సంక్రాంతి పండ‌గ‌కు 1500 ప్ర‌త్యేక బ‌స్సులు.. ప్ర‌యాణికుల‌కు ఇబ్బందులు త‌లెత్త‌కుండా ఏర్పాట్లు.!
అమ‌రావ‌తి: సంక్రాంతి పండ‌గ వ‌చ్చిందంటే చాలు.. ఆర్టీసీ బ‌స్టాండ్లు ర‌ద్దీతో నిండిపోతుంది. పండ‌గ‌కు సొంతూళ్ల‌కు వెళ్లేందుకు ప్ర‌జ‌లు సిద్ధ‌మ‌వుతుంటారు. ప్ర‌యాణికుల ర‌ద్దీని దృష్టిలో...
అమ‌రావ‌తి: సంక్రాంతి పండ‌గ వ‌చ్చిందంటే చాలు.. ఆర్టీసీ బ‌స్టాండ్లు ర‌ద్దీతో నిండిపోతుంది. పండ‌గ‌కు సొంతూళ్ల‌కు వెళ్లేందుకు ప్ర‌జ‌లు సిద్ధ‌మ‌వుతుంటారు. ప్ర‌యాణికుల ర‌ద్దీని దృష్టిలో ఉంచుకుని ప్ర‌తి ఏడాది ఏపీ స‌ర్కార్ ఆయా రూట్ల‌లో ప్ర‌త్యేక బ‌స్సుల‌ను న‌డుపుతోంది. ఈ సంక్రాంతి పండ‌గ‌కు ఆర్టీసీ 1500 ప్ర‌త్యేక బ‌స్సుల‌ను న‌డిపేందుకు సిద్ధ‌మ‌వుతోంది. గ‌త రెండేళ్ల నుంచి 2,200 స‌ర్వీసుల వ‌ర‌కు తిప్పిన ఆర్టీసీ.. క‌రోనా వైర‌స్ నేప‌థ్యంలో బ‌స్సుల సంఖ్య‌ను త‌గ్గించ‌నుంది. ప్ర‌యాణికుల డిమండ్‌ను బ‌ట్టి స‌ర్వీసుల‌ను న‌డ‌పాల‌ని ప్ర‌భుత్వం భావిస్తోంది. బుధ‌వారం అన్ని జిల్లాల ఆర్టీసీ అధికారుల‌తో స‌మావేశ‌మైన ఎండీ కృష్ణ‌బాబు స‌ర్వీసుల‌పై చ‌ర్చించారు.
ప్ర‌ధానంగా సంక్రాంతి పండ‌గ‌కు ఎన్ని స‌ర్వీసులు న‌డ‌పాల‌నే అంశంపై చ‌ర్చించారు. క‌రోనా నేప‌థ్యంలో ప్ర‌త్యేక బస్సుల‌పై ఏర్పాట్ల‌ను ప‌ర్య‌వేక్షించేందుకు ప‌క‌డ్బందీ చ‌ర్య‌లు తీసుకోనున్నారు. అత్య‌ధికంగా స‌ర్వీసులు హైదరాబాద్‌కు తిప్పేందుకు ప్ర‌ణాళిక రూపొందించారు. ఇప్ప‌టికే తూర్పు ప‌శ్చిమ‌గోదావ‌రి జిల్లాల‌కు రిజ‌ర్వేష‌న్‌లు ఫుల్ అయ్యాయి. ఈ జిల్లాల‌కు ప్ర‌తి ఏటా డిమాండ్ పెరుగుతోంది. దీనిని దృష్టిలో ఉంచుకుని ఉభ‌య‌గోదావ‌రి జిల్లాల‌కు ప్ర‌త్యేక బ‌స్సుల‌ను అధిక సంఖ్య‌లో న‌డిపేందుకు ప్ర‌ణాళిక‌లు రూపొందిస్తున్నారు అధికారులు.
అలాగే హైద‌రాబాద్‌లోని మ‌హాత్మ‌గాంధీ బ‌స్ స్టేష‌న్ ర‌ద్దీ త‌గ్గించేందుకు, బ‌స్సుల పార్కింగ్ ఇబ్బందులు త‌లెత్త‌కుండా ఏపీఆర్టీసీ అధికారులు ఏర్పాట్లు చేస్తున్నారు. బీహెచ్ ఈఎల్‌లో బ‌స్సుల పార్కింగ్‌కు గ‌తంలో ఆర్టీసీ స్థ‌లం కొనుగోలు చేయ‌డంతో ఇబ్బందులు లేవ‌ని అధికారులు చెబుతున్నారు. అనంత‌పురం, క‌ర్నూలు, కడ‌ప, చిత్తూరు, నెల్లూరు, ఒంగోలు, మాచ‌ర్ల వైపు వెళ్లే రెగ్యూల‌ర్‌, పండ‌గ ప్ర‌త్యేక బ‌స్సుల‌న్నీ ఎంజీబీఎస్ వెలుప‌ల ఉన్న గౌలిగూడ సీబీఎస్ హంగ‌ర్ నుంచి బ‌య‌లుదేరేలా చ‌ర్య‌లు చేప‌డుతున్నారు.
గ‌త ఏడాది పండ‌గ‌కు ఆర్టీసీకి రూ.67 కోట్ల మేర ఆదాయం రాగా, ప్ర‌యాణికుల‌పై భారం మోప‌కుండా 40 శాతం రాయితీతో ప్ర‌త్య‌క స‌ర్వీసుల‌ను ఆర్టీసీ న‌డిపింది. ఈ పండ‌గ‌కు సొంతూళ్ల‌కు వెళ్లేవారికి ఎలాంటి ఇబ్బందులు త‌లెత్త‌కుండా ఏర్పాట్లు చేస్తున్నారు. చెన్నై, బెంగ‌ళూరుల‌కు ప్ర‌త్యేక బ‌స్సుల‌ను న‌డ‌ప‌నున్నారు.
