CM Jagan: గ్రామ ప్రగతిపై సీఎం జగన్ ఫోకస్.. అధికారులకు దిశా నిర్ధేశం..

పల్లె వెలుగు జిలుగుల కోసం జగన్ శతవిధాలా ప్రయత్నిస్తున్నారు. గ్రామాల్లో అభివృద్ధి మొదలు.. ప్రజల అభ్యున్నతి వరకూ ఏమేం చెయ్యాలో, ఎప్పటిలోగా చెయ్యాలో సూచిస్తూ మంగళవారం రివ్యూ పూర్తిచేశారు. పంచాయతీరాజ్‌ శాఖపై జగన్ రివ్యూ జరిగింది. గ్రామ సచివాలయాలు, విలేజ్‌ క్లినిక్స్‌, డిజిటల్ లైబ్రరీల నిర్మాణం ఏడాదిలోగా పూర్తికావాలన్నది  ఆదేశం. అలాగే నిర్మాణాలకు జియో ట్యాగింగ్ చేసి మరీ ఎప్పటికప్పుడు సమీక్షించాలన్నారు. జగనన్న కాలనీల్లో మౌలిక సదుపాయాల రూపకల్పనతోపాటు.. పరిశుభ్రతకు పెద్దపీట వేసే చర్యలు తీసుకోవాలన్నారు. అపరిశుభ్రత వల్ల వచ్చే రోగాలపై ప్రజలకు అవగాహన కల్పించాలని సూచించారు. దోమలకు కారణమయ్యే వెట్‌ వేస్ట్‌ విషయంలోనూ సూచనలు చేశారు CM జగన్.

ఓ ప్రత్యేక నెంబర్‌ను అందుబాటులో ఉంచి.. దానికి కాల్ వచ్చిన వెంటనే సంబంధిత వాహనం ద్వారా తడి చెత్తను తరలించేయాలన్నారు. రాష్ట్ర వ్యాప్తంగా చిన్న నదులపై చెక్‌డ్యామ్‌ల నిర్మాణం, వాటి కింతే భూగర్భజలాల పెంపునకు పనికొచ్చేలా నీటి నిల్వకు ప్రత్యేక కార్యాచరణ రూపొందించాలన్నారు జగన్. ఇక గ్రామాల్లో 14వేల ట్రైసైకిళ్ల పంపిణీకి సీఎం ఆమోదం తెలిపారు.

అర్బన్ ప్రాంతాలకు సమీపంలో ఉండే పల్లెల కోసం ఒక వెయ్యి 34 ఆటోలు కూడా ఏర్పాటు చెసే యాక్షన్ ప్లాన్‌ సిద్దమవుతోంది. ఇవన్నీ ఒక ఎత్తయితే YSR జగనన్న శాశ్వత భూ హక్కు, భూరక్ష పథకాన్ని సమర్థంగా అమలు చేయడానికి ముగ్గు మంత్రులతోనూ కమిటీ ఏర్పాటుకు సీఎం ఆదేశించారు. ఇందులో పంచాయతీరాజ్‌, రెవిన్యూ, మున్సిపల్ శాఖాధిపతులుంటారు. ఈ సర్వేను వీలైనంత త్వరగా పూర్తిచేసేలా ప్రణాళిక అమలు చెయ్యాలన్నారు.

ఇవి కూడా చదవండి: Yashpal Sharma: టీమిండియా మాజీ క్రికెటర్​ యశ్​పాల్​ కన్నుమూత.. భావోద్వేగానికి గురైన భారత క్రికెటర్లు

Sundar Pichai: నాలోనూ భారతీయత ఉంది.. సాంకేతిక అలవాట్లను షేర్ చేసిన గూగుల్ CEO సుందర్​ పిచాయ్