New Year 2023: అసలే కొత్త సంవత్సరం.. మందుబాబులు ఇది అస్సలు చూడొద్దు.. గుండెతరుక్కుపోవడం ఖాయం..!
న్యూఇయర్ వేళ మందుబాబులకు బిగ్ షాక్ ఇచ్చారు కృష్ణా జిల్లా పోలీసులు. జిల్లా వ్యాప్తంగా సీజ్ చేసిన అక్రమ మద్యం బాటిళ్లను ధ్వంసం చేశారు పోలీసులు. ఒకటి కాదు..
న్యూఇయర్ వేళ మందుబాబులకు బిగ్ షాక్ ఇచ్చారు కృష్ణా జిల్లా పోలీసులు. జిల్లా వ్యాప్తంగా సీజ్ చేసిన అక్రమ మద్యం బాటిళ్లను ధ్వంసం చేశారు పోలీసులు. ఒకటి కాదు.. రెండు కాదు.. ఏకంగా రూ. 50 లక్షల విలువైన మద్యం సీసాలను రోడ్ రోలర్‌తో తొక్కించేశారు. దాంతో రోడ్డుపై మద్యం ఏరులైపారింది. ఎస్పీ జాషువా ఆధ్వర్యంలో మద్యం బాటిళ్లను పోలీసులు ధ్వంసం చేశారు. రాష్ట్రంలో మద్యం ధరలు అధికంగా ఉండటంతో.. ప్రజలు తెలంగాణ సహా పొరుగు రాష్ట్రాల నుంచి మద్యాన్ని అక్రమంగా తరలిస్తున్నారు. దాంతో సరిహద్దుల వద్ద పోలీసులు గట్టి నిఘా పెట్టి.. మద్యం అక్రమ రవాణా చేస్తున్న వారిని పట్టుకుంటున్నారు. ఇందులో భాగంగా ఇటీవలి కాలంలో మొత్తం రూ. 50 లక్షల విలువైన మద్యాన్ని పట్టుకున్నారు. అలాగే, మద్యం అక్రమ రవాణాకు ఉపయోగించిన 119 వాహనాలను సీజ్ చేశారు. ఈ వాహనాలను రెండు దఫాలుగా వేలం వేయగా.. రూ. 41 లక్షలు వచ్చినట్లు పోలీసులు వెల్లడించారు. ఇక పట్టుబడిన మద్యాన్ని శనివారం నాడు ఎస్పీ జాషువా ఆధ్వర్యంలో రోడ్డుపై పరిచి రోడ్ రోలర్‌తో తొక్కించేశారు.
కాగా, మద్యం బాటిళ్ల ధ్వంసం చేసిన వీడియోలు సోషల్ మీడియాలో వైరల్ అవుతున్నాయి. ఈ వీడియోను చూసి నెటిజన్లు రకరకాలుగా స్పందిస్తున్నారు. ఇక మందుబాబులు అయితే, తమదైన స్టైల్లో రియాక్ట్ అవుతున్నారు. ‘అయ్యో అయ్యో అయ్యయ్యో’ అంటూ బాధతో ఎమోజీలు పెడుతున్నారు. అసలే న్యూఇయర్ వేళ.. ఇంత పెద్ద మొత్తంలో మద్యం సీసాలు ధ్వంసం చేయడం చూస్తే మందుబాబుల గుండె తరుక్కుపోవడం ఖాయం అని, మందు బాబులు ఈ వీడియోలను, దృశ్యాలను అస్సలు చూడొద్దని నెటిజన్లు కామెంట్స్ పెడుతున్నారు.
Liquor
Liquor
మరిన్ని ఆంధ్రప్రదేశ్ వార్తల కోసం ఈ లింక్ క్లిక్ చేయండి..
