పాడి రైతులకు జగన్ ప్రభుత్వం శుభవార్త.. అమూల్‌తో ఒప్పందం..!
పేదల సంక్షేమమే ధ్యేయంగా ఏపీ ప్రభుత్వం పలు విప్లవాత్మక నిర్ణయాలు తీసుకుంటూ ముందుకు సాగుతోంది. ఈ క్రమంలోనే తాజాగా పాడి పరిశ్రమకు మళ్లీ పూర్వ వైభవం తీసుకొచ్చే దిశగా ప్రణాళికలు సిద్ధం చేస్తోంది.
పేదల సంక్షేమమే ధ్యేయంగా ఏపీ ప్రభుత్వం పలు విప్లవాత్మక నిర్ణయాలు తీసుకుంటూ ముందుకు సాగుతోంది. ఈ క్రమంలోనే తాజాగా పాడి పరిశ్రమకు మళ్లీ పూర్వ వైభవం తీసుకొచ్చే దిశగా ప్రణాళికలు సిద్ధం చేస్తోంది. సహకార రంగాన్ని బలోపేతం చేసే చర్యల్లో భాగంగా సీఎం జగన్ తన క్యాంపు కార్యాలయంలో ఉన్నతస్థాయి సమీక్ష నిర్వహించారు. ఈ సమావేశంలో పలు కీలక నిర్ణయాలు తీసుకున్నారు.
ప్రతిష్టాత్మక సహకార కంపెనీ అమూల్‌తో వ్యూహాత్మక భాగస్వామ్యపు ఒప్పందం కుదుర్చుకోవాలని సీఎం జగన్ సూత్రప్రాయంగా నిర్ణయం తీసుకున్నారు. పశువులకు మంచి వైద్యంతో పాటుగా వాటి సంరక్షణ, ఉత్తమ సాంకేతికత, పాల ఉత్పత్తులకు మార్కెటింగ్ అంశాలపై ఈ ఒప్పందం ఉండబోతోంది. సహకార రంగం బలోపేతం, పాడి రైతులకు అదనపు ఆదాయాన్ని కలిగించడమే లక్ష్యంగా జూలై 15లోగా ఒప్పందాన్ని కుదుర్చుకోనున్నారు. ఇక దీనికి సంబంధించి విధివిధానాలను ఖరారు చేయాలని సీఎం జగన్ అధికారులను ఆదేశించారు. పాడి పరిశ్రమ రంగంలో రైతులను దోచుకునే పరిస్థితి ఉండకూడదని ముఖ్యమంత్రి స్పష్టం చేశారు.
అమూల్‌తో జరిగిన చర్చలు. రాష్ట్రంలో పాడి పరిశ్రమలపై ఆ కంపెనీ వెల్లడించిన విషయాలను సీఎంకు అధికారులు వివరించారు. పాడి రైతులకు మేలు జరిగే విధంగా, వారు ఉత్పత్తి చేస్తున్న పాలకు మంచి రేటు వచ్చేలా చూడాలని జగన్ తెలిపారు. పాడి పరిశ్రమలో అమూల్‌కు ఉన్న అనుభవం, రాష్ట్రంలోని రైతులకు ఉపయోగపడాలన్నారు. కాగా, సహకార చక్కెర ఫ్యాక్టరీలపై కూడా సమీక్షించిన జగన్.. పునరుద్ధరణ చేయాల్సిన కర్మాగారాల విషయంలో తీసుకోవాల్సిన చర్యలపై మంత్రులు అధికారులు చర్చించి ప్రతిపాదనలు తయారు చేయాలని ఆదేశించారు.
Also Read:
ప్రైవేట్ స్కూళ్లకు ఏపీ ప్రభుత్వం స్ట్రాంగ్ వార్నింగ్…
రైల్వే ప్రయాణీకులకు శుభవార్త..
నెక్స్ట్ సీఎం పవన్ కళ్యాణ్.. ఆర్జీవీ ఆసక్తికర వ్యాఖ్యలు..
వారికి ఉచితంగా ఇసుక.. జగన్ సర్కార్ కీలక నిర్ణయం..
గ్రామ, వార్డు సచివాలయ అభ్యర్థులకు గుడ్ న్యూస్.. ఎగ్జామ్ సెంటర్ మార్చుకోవచ్చు..
