Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

పుట్టగొడుగుల వివాదం: వైసీపీ కార్యకర్త మృతి

ఏపీలో ఎన్నికలు పూర్తయి ఆరు నెలలు గడుస్తున్నా.. రాజీయ కక్షలు మాత్రం ఆగడంలేదు. అధికార, ప్రతిపక్ష కార్యకర్తలు పిట్టల్లా రాలిపోతున్నారు. దాడులు, ప్రతి దాడులతో గ్రామాలు, దద్దరిల్లుతున్నాయి. ఇక్కడా.. అక్కడా అన్న తేడా లేదు. అనంతపురం నుంచి మొదలు పెడితే శ్రీకాకుళం జిల్లా వరకు పొలిటికల్‌ కార్యకర్తలు దాడులకు దిగుతున్నారు. ఇందులో భాగంగా టీడీపీ కార్యకర్తలు మరోసారి రెచ్చిపోయారు. శ్రీకాకుళం జిల్లా కొత్తూరు మండలం కుంటిభద్రలో మరో దారుణ ఘటన చోటుచేసుకుంది. వైసీపీ కార్యకర్తను దారుణంగా హత్య చేశారు. స్థానికంగా చోటుచేసుకున్న స్వల్ప వివాదాన్ని దృష్టిలో ఉంచుకున్న టీడీపీ కార్యకర్తలు బల్లెంతో పొడిచి జంగం అనే వ్యక్తిని అత్యంత కిరాతంగా హత్యచేశారు. ఈ దాడిలో మరో నలుగురు YCP కార్యకర్తలు తీవ్రంగా గాయపడ్డారు.

వివరాల్లోకి వెళ్తే.. కొత్తూరు మండలం కుంటిబద్రలో వైసీపీ, టీడీపీ కార్యకర్తల మధ్య పుట్టగొడుగుల విషయంలో వివాదం తలెత్తింది. దీంతో ఇరువర్గాలకు చెందిన వాళ్లు బల్లెలు, కర్రలతో ఒకరిపై మరికొరు పరస్పరం దాడి చేసుకున్నారు. ఈ దాడిలో వైసీపీ కార్యకర్త జంగం మృతి చెందాడు. మరో నలుగురికి తీవ్రగాయాలయ్యాయి. దీంతో గ్రామంలో ఉద్రిక్తత నెలకొంది. ఈ ఘర్షణలో గాయపడిన వారిని స్థానిక ఆసుపత్రికి తరలించారు. కుంటిభద్రలో పరిస్థితి ఉద్రిక్తంగా మారడంతో భారీగా పోలీసులు బలగాలు మోహరించాయి. అల్లర్లు జరగకుండా చూసేందుకు 144 సెక్షన్ విధించారు. జిల్లాలో జరిగిన ఘటనపై వైసీపీ సీరియస్‌గా ఉంది. ఇరువర్గాల ఘర్షణలో వైసీపీ కార్యకర్త చనిపోవడంపై ఆపార్టీ ఎంపీ విజయసాయిరెడ్డి డీజీపీతో మాట్లాడారు. నిందితుల్ని వెంటనే అరెస్ట్ చేయాలని విజయసాయిరెడ్డి డీజీపీని కోరారు.