Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

నిరుద్యోగులకు మరో గుడ్‌న్యూస్.. ఈ సారి 11వేలకు పైగా పోస్టులు

Notification for Police vacancies in AP, నిరుద్యోగులకు మరో గుడ్‌న్యూస్.. ఈ సారి 11వేలకు పైగా పోస్టులు

అధికారంలోకి వచ్చినప్పటి నుంచి రాష్ట్రంలో నిరుద్యోగ సమస్యను అధిగమించే దిశగా అడుగులు వేస్తోన్న జగన్ ప్రభుత్వం.. ఇప్పటికే పలు ఉద్యోగాలను భర్తీ చేసింది. తాజాగా 11వేలకు పైగా పోస్టులకు నోటిఫికేషన్‌ ఇచ్చేందుకు ఏపీ ప్రభుత్వం సిద్దమైంది. తమ శాఖలో ఖాళీగా ఉన్న ఉద్యోగాలను భర్తీ చేసేందుకు సిద్ధమైన పోలీసు నియామక మండలి..11,500పైగా పోస్టుల భర్తీకి సంబంధించిన ప్రతిపాదనలు ప్రభుత్వానికి పంపింది. వీటిలో 340 సబ్‌ ఇన్‌స్పెక్టర్(ఎస్ఐ)పోస్టులు ఉండగా.. 11,356 కానిస్టేబుల్ పోస్టులు ఉన్నాయి. వచ్చే ఏడాది జనవరిలో ఉద్యోగాల క్యాలెండర్ వెలువడనున్న నేపథ్యంలో తమ శాఖలో ఖాళీల వివరాలను పోలీసు నియామక మండలి ప్రభుత్వానికి అందజేసింది. కాగా గతేడాది 3వేలకు పైగా ఉద్యోగాల భర్తీకి నోటిఫికేషన్ జారీ చేయగా.. ఆ నియామక ప్రక్రియ పూర్తి కావడంతో.. మరోసారి ఖాళీల భర్తీపై దృష్టి సారించింది.

అయితే ఎన్నికల ప్రచారంలో భాగంగా పోలీసులకు వీక్లీ ఆఫ్‌లు ఇస్తామని ప్రకటించిన జగన్.. అధికారంలోకి రాగానే వీక్లీ ఆఫ్ అమలుకు ఆదేశాలు జారీ చేశారు. దీంతో జూన్ 19వ తేది నుంచి వీక్లీ ఆఫ్‌లు అమలు అవుతున్నాయి. ఈ నేపథ్యంలో.. భవిష్యత్ అవసరాల దృష్ట్యా 30శాతం సిబ్బందిని అదనంగా నియమించుకోవల్సి ఉంటుంది. ఈ మేరకు అవసరమైన ఖాళీల భర్తీకి పోలీస్ శాఖ సన్నాహాలు చేస్తోంది.