Breaking News
  • ఢిల్లీ: దేశవ్యాప్తంగా 56లక్షలు దాటిన కరోన కేసుల సంఖ్య, 90 వేలు దాటిన మృతుల సంఖ్య. దేశంలో మొత్తం కరోన బాధితుల సంఖ్య 56, 46, 011 చేరినట్లు ప్రకటించిన కేంద్ర ఆరోగ్య శాఖ. గడచిన 24 గంటల్లో 83, 347 పాజిటివ్ కేసులు నమోదు కాగా 1, 085 మంది మృతి. 9, 68, 377 మందికి కొనసాగుతున్న చికిత్స. కరోన నుండి ఇప్పటి వరకు కోలుకున్న 45, 87, 614 మంది బాధితులు. కోవిడ్-19వైరస్ సోకి ఇప్పటివరకు 90, 020 మంది మృతి. నిన్న ఒక్కరోజే కోలుకున్న 89, 746 మంది బాధితులు. దేశవ్యాప్తంగా రికవరీ రేటు 81.25%, మరణాల రేటు 1.59%.
  • అమరావతి: గండికోట రిజర్వాయర్ నిర్వాసితులకు పరిహారం చెల్లింపులపై జవాబు ఇవ్వాలని ప్రభుత్వానికి హైకోర్టు ఆదేశం. గండికోట రిజర్వాయర్ నిర్వాసితులకు పరిహారం చెల్లించలేదని దాఖలైన పిటీషన్ విచారించిన హైకోర్టు. పరిహారం చెల్లించకుండానే నిర్వాసితుల భూములు స్వాధీనం చేసుకున్నారని పిటిషన్ దాఖలు. పరిహారం చెల్లించామని కోర్టుకు తెలిపిన ప్రభుత్వ తరపు న్యాయవాది. తదుపరి విచారణ శుక్రవారానికి వాయిదా వేసిన హైకోర్టు.
  • చెన్నై తిరువారుర్ లో ఓఎంజిసి పైప్ లీకేజ్, ముడి చమురు తో నిండిపోయిన పొలాలు. తిరువారూర్ లో వ్యవసాయ పంటపొలాల మధ్యలో ఓఎంజిసి పైప్ లను ఏర్పాటు చేసిన ఓఎంజిసి అధికారులు . ఓఎంజిసి పైప్ పగిలిపోవడం తో భారీగా బయటికి వచ్చిన ముడి చమురు, చుట్టుపక్కల ఉన్న పంటపొలాలకు వ్యాపించడం తో ఎటువంటి ప్రమాదం జరుగుతుందో అని భయం ఆందోళనలో గ్రామస్తులు. పచ్చటి పంటపొలాలు పూర్తిగా ముడి చమురు తో నిండిపోవడం తో తీవ్ర నష్టం వాటిల్లిందని , తమకు తగిన నష్ట పరిహారం చెల్లించాలని రైతుల ఆందోళనలు. పంటపొలాల్లో ఉన్న ముడి చమురుని సురక్షితం గా తొలగించడానికి చర్యలు చేపట్టిన ఓఎంజిసి అధికారులు.
  • విశాఖ: పేద ప్రజల కోసం వైసీపీ ప్రభుత్వం ఎన్నో సంక్షేమ పథకాలు ప్రవేశపెట్టింది, టీడీపీకి నా రాక్తం ధారపోశా, పేదలకు ఇళ్లు ఇస్తామంటే టీడీపీ నేతలు అడ్డుకుంటున్నారు, సీఎం జగన్‌కు డిక్లరేషన్‌ ఇవ్వాల్సిన అవసరం లేదు-ఎమ్మెల్యే వాసుపల్లి గణేష్‌
  • చెన్నై : ఆన్లైన్ బెట్టింగ్ గేమ్స్ కి బానిసైన పోలీస్, లక్షలలో డబ్బు పోగొట్టుకొని ఆత్మహత్య . ధర్మపురి జిల్లాకి చెందిన వెంకటేసన్ , సేలం జిల్లాలోని ప్రత్యేక పోలీస్ బెట్టాలియన్ లో విధులు నిర్వహిస్తున్న వెంకటేసన్. గత కొంత కాలంగా గంటల తరబడి ఆన్లైన్ రమ్మీ ఆడుతూ లక్షలలో డబ్బులు పోగొట్టుకోవడం తో తీవ్ర మనస్థాపం . గవర్నమెంట్ హాస్టల్ తన గదిలో ఉరివేసుకొని ఆత్మహత్య , కేసు నమోదు చేసుకొని విచారణ చేపట్టిన పోలీసులు.
  • నిర్మల్: భైంసా మండలం కమోల్‌లో దగ్గర వాగులో చిక్కుకున్న యువకులు. గడ్డెన్న వాగు ప్రాజెక్టు గేట్లు ఎత్తడంతో భారీగా నీరు. వరద ఉధృతికి కొట్టుకుపోయిన 30 మేకలు, 10 గొర్రెలు. సాయం కోసం యువకుల ఎదురుచూపులు.
  • అమరావతి: అక్టోబర్ 2 నుంచి 'మనం-మన పరిశుభ్రత' రెండోదశ. ప్రతి మండలానికి 5 నుంచి 10 గ్రామాలలో అమలు. జూన్ 1న రాష్ట్రంలో ప్రారంభమైన మనం-మన పరిశుభ్రత. తొలిదశలో భాగంగా 1320 గ్రామ పంచాయతీల్లో కార్యక్రమాలు. ప్రజాభాగస్వామ్యంతో పల్లెల్లో ఆరోగ్యకర వాతావరణం. 70 శాతం సీజనల్ వ్యాధుల వ్యాప్తికి అడ్డుకట్ట . ప్రజల నుంచి పంచాయతీలకు విరాళాలుగా రూ.1.72 కోట్లు జమ. ప్రజాప్రతినిధులు పెద్ద ఎత్తున రెండోదశ కార్యక్రమాల్లో పాల్గొనాలని పిలుపు. ఈ మేరకు ప్రజాప్రతినిధులకు మంత్రి పెద్దిరెడ్డి రామచంద్రారెడ్డి లేఖ.

కుదరని ఏకాభిప్రాయం.. స్పష్టత ఇస్తేనే ముందు..

తెలుగు రాష్ట్రాల మధ్య ఆర్టీసీ బస్సుల పునరుద్ధరణపై ప్రతిష్టంభన కొనసాగుతోంది. ఇవాళ జరిగిన ఆర్టీసీ ఎండీల భేటీలోనూ చర్చలు కొలిక్కిరాలేదు. దీంతో ఎలాంటి తుది నిర్ణయం తీసుకోకుండానే సమావేశం ముగిసింది....
rtc higher officials meeting, కుదరని ఏకాభిప్రాయం.. స్పష్టత ఇస్తేనే ముందు..

ఇంటర్‌ స్టేట్‌ అగ్రిమెంట్‌ అయిన తర్వాతే బస్సులకు అనుమతి ఇస్తామని TSRTC తెలిపింది. ఏపీ బస్సులు, తెలంగాణ భూభాగంలో 2 లక్షల 65 వేల కిలోమీటర్లు తిరుగుతుండగా, తెలంగాణ బస్సులు ఏపీలో లక్షా 52 వేల కిలోమీటర్లు మాత్రమే తిరుగుతున్నాయి. ఇంటర్‌ స్టేట్‌ అగ్రిమెంట్‌ ప్రకారం ఇరు రాష్ట్రాలు సమాన కిలోమీటర్లు మాత్రమే బస్సులు నడుపుకోవాలి. పదేళ్ల పాటు ఉమ్మడి రాజధాని ఉండటంతో ఉమ్మడి ఆంధ్రప్రదేశ్‌లో ఎలా బస్సులు తిరిగాయో ఇప్పటి వరకు అలాగే కొనసాగాయి. అయితే లాక్‌డౌన్‌లో బస్సు సర్వీసులు ఆగిపోవడంతో పనిలో పనిగా ఇంటర్‌ స్టేట్‌ అగ్రిమెంట్‌ కూడా తేల్చుకోవాలని తెలంగాణ ఆర్టీసీ నిర్ణయించుకుంది .

హైదరాబాద్‌లోని ఆర్ అండ్‌ బీ భవన్‌లో ఏపీ, తెలంగాణ ఆర్టీసీ ఎండీలు, ఈడీలు సమావేశమై ఇరు రాష్ట్రాల మధ్య ఆర్టీసీ బస్సు సర్వీసుల పునరుద్ధరణ, కిలోమీటర్‌ అంశాలపై చర్చలు జరిపారు. ఏయే రూట్లలో ఎన్ని బస్సులు నడపాలనే అంశంపై చర్చించారు. రూట్ల వారీగా స్పష్టత ఇస్తేనే తాము ముందుకెళ్తామని తెలంగాణ అధికారులు తెలిపారు. సమావేశం తర్వాత ఆర్టీసీ ఎండీలు మీడియాతో మాట్లాడారు.

రాష్ట్ర విభజన తర్వాత తెలంగాణలో 2.65 లక్షల కిలోమీటర్లకు బస్సులు తిరుగుతున్నాయని ఏపీఎస్‌ ఆర్టీసీ ఎండీ కృష్ణబాబు చెప్పారు. ఏపీ 71 రూట్లలో, తెలంగాణ 28 రూట్లలో తిప్పుతోందన్నారు. రెండు రాష్ట్రాల మధ్య లక్షా 10వేల కిలోమీటర్ల వ్యత్యాసం ఉందని చెప్పారు. తాము 50 వేల కి.మీ తగ్గిస్తామని.. తెలంగాణ పెంచుకోవాలని ప్రతిపాదించినట్లు కృష్ణబాబు తెలిపారు. లక్షా 10వేల కిలోమీటర్ల నుంచి లక్షా 60 వేల కిలోమీటర్ల వరకు పెంచేందుకు తెలంగాణ ముందుకొచ్చిందని, అంతకుమించి పెంచే సామర్థ్యం తమకు లేదని చెబుతోందన్నారు. అలా చేస్తే లాభదాయకంగా ఉండదని సమావేశంలో టీఎస్‌ ఆర్టీసీ అధికారులు చెప్పినట్లు ఆయన వివరించారు.

అంతర్రాష్ట్ర బస్సు సర్వీసులు నడిపేందుకు ఇతర రాష్ట్రాల నుంచి ఏపీఎస్‌ ఆర్టీసీకి అనుమతి ఉందన్నారు. ఇతర రాష్ట్రాల రూట్‌ వైజ్‌ క్లారిటీ ఇవ్వాలని తెలంగాణ కోరిందని.. ఇప్పటి వరకు ఏ రాష్ట్రమూ ఇలాంటి ప్రతిపాదన పెట్టలేదన్నారు. రెండు రాష్ట్రాల బస్సు సర్వీసుల పునరుద్ధరణపై ప్రతిష్టంభన ఇలాగే కొనసాగితే ప్రైవేటు బస్సులకు లాభం చేకూరుతుందని కృష్ణబాబు చెప్పారు. రూట్ల వారీగా బస్సులు నడిపే మార్గాల ప్రతిపాదనలను తెలంగాణ అడిగిందని.. రెండు రోజుల్లో మరోసారి సమావేశమై నిర్ణయం తీసుకుంటామని చెప్పారు.

అయితే – రూట్ల వారీగా రెండు రాష్ట్రాలు సమానంగా బస్సులు నడపాలని తాము ప్రతిపాదించామన్నారు తెలంగాణ ఆర్టీసీ ఇన్‌ఛార్జ్‌ ఎండీ సునీల్‌ శర్మ. రూట్ల వారీగా స్పష్టత ఇస్తే దానికి అనుగుణంగా తాము ముందుకెళ్తామని ఆయన చెప్పారు. అగ్రిమెంట్ జరిగిన తర్వాతనే బస్సులు నడుపుతామని TSRTC MD సునీల్‌శర్మ స్పష్టం చేశారు.

Related Tags