Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

టీడీపీ నేత రాయపాటికి షాక్..ఆస్తుల వేలానికి రంగం సిద్దం…

టీడీపీ సీనియర్ నేత, ప్రముఖ పారిశ్రామివేత్త రాయపాటి సాంబశివరావుకు చెందిన ఆస్తుల వేలానికి రంగం సిద్దమైంది.  ఆస్తులను వేలం వేయబోతున్నట్టు ఆంధ్రాబ్యాంక్‌ గురువారం ప్రెస్ నోట్ రిలీజ్ చేసింది. రూ.837.37 కోట్ల విలువైన అప్పులు చెల్లించకపోవడంతో.. గుంటూరు, న్యూఢిల్లీలోని ఆయనకు ఆస్తులను మార్చి 23వ తేదీన వేలం వేస్తున్నట్లు ఆంధ్రాబ్యాంక్ తెలిపింది.
Tdp Leader Rayapati Sambasiva Rao Assets Will Auction On March Says Andhra Bank, టీడీపీ నేత రాయపాటికి షాక్..ఆస్తుల వేలానికి రంగం సిద్దం…

టీడీపీ సీనియర్ నేత, ప్రముఖ పారిశ్రామివేత్త రాయపాటి సాంబశివరావుకు చెందిన ఆస్తుల వేలానికి రంగం సిద్దమైంది. ఆయన ఆస్తులను వేలం వేయబోతున్నట్టు ఆంధ్రాబ్యాంక్‌ గురువారం ప్రెస్ నోట్ రిలీజ్ చేసింది. రూ.837.37 కోట్ల విలువైన అప్పులు చెల్లించకపోవడంతో.. గుంటూరు, న్యూఢిల్లీలోని ఆయనకు ఆస్తులను మార్చి 23వ తేదీన వేలం వేస్తున్నట్లు ఆంధ్రాబ్యాంక్ తెలిపింది. గుంటూరు అరండల్‌పేటలో గల 22,500 చదరపు అడుగుల విస్తీర్ణంలో ఉన్న కమర్షియల్ బిల్డింగ్‌‌తో పాటు, న్యూఢిల్లీలోని ఫ్లాట్‌ను వేలం వేస్తున్నట్లు పేర్కొంది. అయితే ఉన్న అప్పులకు.. వేలం వేసే ఆస్తులకు మధ్య అస్సలు పొంతన లేనట్టు సమాచారం. గుంటూరు ప్రోపర్టీ విలువను రూ.16.44 కోట్లు గాను, ఢిల్లీలోని ఫ్లాట్‌ను రూ.1.09 కోట్లుగా నిర్ధారించినట్లు తెలుస్తోంది. రాయపాటి ఆంధ్రా బ్యాంకు నుంచి ట్రాన్స్‌ట్రాయ్‌ ఇండియా కంపెనీ పేరుతో పాటు, మల్లినేని సాంబశివరావు, రాయపాటి రంగారావు, చెరుకూరి శ్రీధర్, దేవికారాణి, లక్ష్మి పేరిట రుణాలు తీసుకున్నారు.

ఈ రుణానికి పూచీకత్తుగా నారయ్యచౌదరి, రంగారావు, దేవికారాణి, రాయపాటి జగదీష్‌, రాయపాటి జీవన్, లక్ష్మి, జగన్‌మోహన్‌ యలమంచలి, సీహెచ్‌ వాణి ఉన్నారు. ఈ వేలాానికి సంబంధించిన పూర్తి వివరాల కోసం ఆంధ్రా బ్యాంక్‌ వెబ్‌సైట్‌ లేదా టెండర్స్‌ డాట్‌ జీవోవీ డాట్‌ ఇన్‌ను సంప్రదించాల్సిందిగా బ్యాంకు ప్రకటనలో పేర్కొంది.

 

ఇది కూడా చదవండి :నేడు అమరావతి బంద్​..

Related Tags