రాజకీయవేత్త కుమార్తెతో యాంకర్ ప్రదీప్ పెళ్లి..!
లాక్‌డౌన్ సమయంలోనూ టాలీవుడ్‌లో వరుస పెళ్లి బాజాలు మోగాయి. నిఖిల్‌, రానా, నితిన్, దిల్ రాజు ఇప్పటికే పెళ్లిళ్లు చేసుకొని ఒక ఇంటివారయ్యారు
Anchor Pradeep marriage: లాక్‌డౌన్ సమయంలోనూ టాలీవుడ్‌లో వరుస పెళ్లి బాజాలు మోగాయి. నిఖిల్‌, రానా, నితిన్, దిల్ రాజు ఇప్పటికే పెళ్లిళ్లు చేసుకొని ఒక ఇంటివారయ్యారు. ఇక తాజాగా యాంకర్ ప్రదీప్ ఆ లిస్ట్‌లో చేరబోతున్నట్లు తెలుస్తోంది. త్వరలోనే ప్రదీప్ పెళ్లి అవ్వబోతున్నట్లు సమాచారం.
ఫిలింనగర్‌లో చక్కర్లు కొడుతున్న సమాచారం ప్రకారం.. ఓ పేరు మోసిన రాజకీయవేత్త కుమార్తెను ప్రదీప్ పెళ్లాడబోతున్నట్లు తెలుస్తోంది. ఇక ఈ పెళ్లికి సంబంధించిన ఇప్పటికే ఇరు వర్గాల కుటుంబాలు మాట్లాడుకున్నాయని.. మరో రెండు, మూడు నెలల్లో వీరి పెళ్లి జరగనుందని టాక్‌. ఇన్నిరోజులు ఈ విషయాన్ని ప్రదీప్ సీక్రెట్‌గా పెట్టినప్పటికీ.. ఇటీవల లీక్ అయినట్లు తెలుస్తోంది.
కాగా రేడియో జాకీగా తన కెరీర్‌ని మొదలు పెట్టిన ప్రదీప్.. ఇప్పుడు బుల్లితెరపై పలు షోలకు యాంకరింగ్‌ చేస్తూ దూసుకుపోతున్నారు. ఇక వెండితెరపైనా 100%లవ్‌, జులాయి, అత్తారింటికి దారేది వంటి చిత్రాల్లో కనిపించిన ప్రదీప్.. 30 రోజుల్లో ప్రేమించడం ఎలా అనే మూవీ ద్వారా హీరోగా పరిచయం అవుతున్నారు. మార్చిలో ఈ మూవీ విడుదల కావల్సి ఉండగా.. లాక్‌డౌన్ రావడంతో వాయిదా పడిన విషయం తెలిసిందే.
Read More:
