Breaking News
  • ఉమ్మడి వరంగల్‌ జిల్లాలో టీఆర్‌ఎస్‌ క్లీన్‌స్వీప్‌. జిల్లాలోని 9 మున్సిపాలిటీలు కైవసం చేసుకున్న టీఆర్‌ఎస్‌. జనగాం, భూపాలపల్లి, పరకాల, నర్సంపేట, మహబూబాబాద్‌.. వర్ధన్నపేట, డోర్నకల్‌, తొర్రూర్‌, మరిపెడలో టీఆర్‌ఎస్‌ విజయం. జనగాం: టీఆర్‌ఎస్‌-13, కాంగ్రెస్‌-10, బీజేపీ-4, ఇతరులు-3. భూపాలపల్లి: టీఆర్‌ఎస్‌-23, బీజేపీ-1, ఇతరులు-6. పరకాల: టీఆర్‌ఎస్‌-17, బీజేపీ-3, కాంగ్రెస్‌-1, ఇతరులు-1. నర్సంపేట: టీఆర్‌ఎస్‌-16, కాంగ్రెస్‌-6, ఇతరులు-2. తొర్రూరు: టీఆర్‌ఎస్‌-12, కాంగ్రెస్‌-3, బీజేపీ-1. వర్ధన్నపేట: టీఆర్‌ఎస్‌-8, కాంగ్రెస్‌-2, బీజేపీ-1, ఇతరులు-1. డోర్నకల్‌: టీఆర్‌ఎస్‌-11, కాంగ్రెస్‌-1, ఇతరులు-3. మహబూబాబాద్‌: టీఆర్ఎస్‌-19, కాంగ్రెస్‌-10, ఇతరులు-7. మరిపెడ: టీఆర్‌ఎస్‌-15.
  • రైతులపై దాడి చేయించిన జగన్‌ రైతు ద్రోహిగా మరింత దిగజారారు. మూడు రాజధానుల్లో ఆయన స్వార్థం తప్ప రాజధానులు లేవని.. ప్రజలకు అర్థమైందన్న ఆందోళన జగన్‌ను వెంటాడుతోంది-లోకేష్‌. వైసీపీ రౌడీలను రంగంలోకి దింపి జేఏసీ శిబిరానికి నిప్పంటించారు. తెనాలిలో వైసీపీ దాడిని తీవ్రంగా ఖండిస్తున్నాం-నారా లోకేష్‌. జగన్‌ తాటాకు చప్పుళ్లకు భయపడేవారెవరూ లేరు-ట్విట్టర్‌లో నారా లోకేష్‌.
  • చిత్తూరు: గ్రేడ్‌-3 మున్సిపాలిటీగా కుప్పం గ్రామ పంచాయతీ. గెజిట్‌ నోటిఫికేషన్‌ జారీ చేసిన ప్రభుత్వం. ఏడు గ్రామపంచాయతీలను కుప్పం మున్సిపాలిటీలో విలీనం. కుప్పం మున్సిపాలిటీలో చీలేపల్లి, దళవాయి కొత్తపల్లి, చీమనాయనపల్లి.. సామగుట్టపల్లి, తంబిగానిపల్లి, కమతమూరు, అనిమిగానిపల్లి విలీనం. చంద్రబాబు నియోజకవర్గానికి మున్సిపాలిటీ హోదా కల్పించిన ప్రభుత్వం.
  • కరీంనగర్‌: తిమ్మాపూర్‌ దగ్గర ఎస్సారెస్పీ కెనాల్‌లో కారు బోల్తా. కారులో ఉన్న దంపతులు మృతి. మృతులు సుల్తానాబాద్‌ వాసులుగా గుర్తింపు.
  • విశాఖ: గణతంత్ర దినోత్సవం సందర్భంగా హై అలర్ట్. విశాఖ ఎయిర్‌పోర్ట్‌కు భద్రత పెంపు.

‘వాల్మీకి’తో వార్‌కు ‘బందోబస్త్’ సిద్ధం!

Valmiki And Bandobasth Movies Releasing On Friday, ‘వాల్మీకి’తో వార్‌కు ‘బందోబస్త్’ సిద్ధం!

ఒకేరోజు రెండు సినిమాలు విడుదల కావడం ఈ మధ్య టాలీవుడ్‌లో ఆనవాయితీగా మారింది. కొందరు స్టార్ హీరోలు కలెక్షన్స్ మీద ప్రభావం చూపిస్తుందని వెనక్కి తగ్గుతుంటే.. మరికొందరు కంటెంట్‌పై ఉన్న నమ్మకంతో బాక్స్ ఆఫీస్ వార్‌కు సిద్ధమవుతున్నారు. ఎప్పటిలానే ఈ శుక్రవారం రెండు పెద్ద సినిమాలు బాక్స్ ఆఫీస్ సమరానికి సిద్ధమయ్యాయి. అందులో ఒకటి వరుణ్ తేజ్ నటించిన ‘వాల్మీకి’ చిత్రం కాగా మరొకటి తమిళ స్టార్ హీరో సూర్య నటించిన ‘బందోబస్త్’.

నిజానికి ‘వాల్మీకి’ సెప్టెంబర్ 13న విడుదల కావాల్సి ఉంది. అయితే నాని ‘గ్యాంగ్ లీడర్’తో పోటీ ఎందుకని.. వారం ఆలస్యంగా రిలీజ్ కాబోతోంది. సోలోగా దండయాత్ర చేద్దామనుకున్న వరుణ్ తేజ్‌కు తమిళ హీరో సూర్య గట్టి పోటీని ఇచ్చేలా ఉన్నాడు. దర్శకుడు కె.వి.ఆనంద్ తెరకెక్కిస్తున్న ‘బందోబస్త్’ సినిమాలో సూర్య అండర్ కవర్ కాప్‌గా కనిపించనున్నాడు. మోహన్ లాల్, ఆర్య, బోమన్ ఇరానీ, సైయేషా సైగల్ తదితరులు కీలక పాత్రలు పోషిస్తున్న ఈ చిత్రంపై తమిళంలో భారీ అంచనాలు ఉన్నాయి. అంతేకాకుండా సూర్యకు తెలుగులో మార్కెట్ ఉండటంతో ఒకవేళ సినిమా హిట్ టాక్ తెచ్చుకుంటే.. ఖచ్చితంగా ‘వాల్మీకి’ చిత్రంపై ప్రభావం చూపుతుందని విశ్లేషకులు అంటున్నారు.

ఇక ‘వాల్మీకి’ విషయానికి వస్తే.. తమిళ హిట్ ‘జిగర్తాండా’కు రీమేక్‌గా తెరకెక్కింది. వరుణ్ తేజ్ పూర్తి నెగటివ్ షేడ్‌లో నటిస్తున్న ఈ చిత్రంలో తమిళ హీరో అథర్వ మురళి కీలక పాత్రలో కనిపించనున్నాడు. పూజా హెగ్డే, మృణాళిని రవి హీరోయిన్లుగా నటిస్తున్న ఈ సినిమాను దర్శకుడు హరీష్ శంకర్ రూపొందించాడు. ఇటీవల విడుదలైన టీజర్, ట్రైలర్‌లకు ఫ్యాన్స్ నుంచి అద్భుతమైన రెస్పాన్స్ వచ్చింది. అంచనాల నడుమ రిలీజ్ అవుతున్న ఈ సినిమాకు సూర్య ‘బందోబస్త్’ ఎంతవరకు పోటీనిస్తుందో చూడాలి.