కోహ్లీకి ఛాలెంజ్ విసిరిన బిగ్ బి
బాలీవుడ్ మెగాస్టార్ బిగ్ బి అమితాబ్ బచ్చన్ విచిత్రమై ఛాలెంజ్‌ను కొందరు ప్రముఖులకు విసిరారు. గుక్కతిప్పకుండా.. గంటకొట్టినట్లు వేగంగా చెప్పాలి.. ఇదే ఈ ఛాలెంజ్.
బాలీవుడ్ మెగాస్టార్ బిగ్ బి అమితాబ్ బచ్చన్ విచిత్రమై ఛాలెంజ్‌ను కొందరు ప్రముఖులకు విసిరారు. గుక్కతిప్పకుండా.. గంటకొట్టినట్లు వేగంగా చెప్పాలి.. ఇదే ఈ ఛాలెంజ్. చిన్నపిల్లలు ఆడే ఓ ఆట గుర్తుందా… “ఎర్ర లారీ.. పచ్చ లారీ…” అంటూ వేగంగా చెప్పాలి. ఇదే తరహాలో “గులాబో సితాబో…”అంటూ చెప్పాలనేదే ఈ టంగ్ ట్విస్టర్ గేమ్. అది కూడా వేగంగా ఐదుసార్లు చెప్పాలి. ఈ ఛాలెంజ్‌ను టీమిండియా కెప్టెన్ విరాట్ కోహ్లీ, ఆయుష్మాన్ ఖురానా, దీపికా పదుకొణె, రణ్‌బీర్ కపూర్, అలియా భట్, కార్తిక్ ఆర్యన్, భూమి పెడ్నేకర్‌కు ఛాలెంజ్ విసిరారు. బిగ్ బి ప్రధాన పాత్రలో నటించిన చిత్రం గులాబో సితాబో. ఇందులో పాత హవేలీ యజమాని మీర్జా షేక్‌గా బచ్చన్ కనిపిస్తారు. ఆయన ఇంట్లో అద్దెకు ఉండే వ్యక్తి బాంకీ సోధిగా ఆయుష్మాన్ కనిపించనున్నారు. ఈ చిత్రం జూన్ 12న నేరుగా ఆన్‌లైన్‌లో రిలీజ్ అవుతోంది.
ఈ సినిమా ప్రమోషన్‌లో భాగంగా అమితాబ్ తాజాగా ఓ వీడియోను సోషల్ మీడియాలో షేర్ చేశారు. అందులో టంగ్ ట్విస్టర్ గేమ్‌ను తాను చెప్పి మరో ఏడుగురురిని నామినేట్ చేశారు. అయితే తాను నామినేట్ చేసినవారు ప్రయత్నాలు మొదలు పెట్టారు.
