ఎన్నికల ఫలితాల వెల్లడికి వారాలు, నెలలు పట్టవచ్చు, ట్రంప్

నవంబరు 3 న జరిగే అధ్యక్ష ఎన్నికల ఫలితాల వెల్లడికి వారాలు, నెలలు పట్టవచ్ఛునని అమెరికా అధ్యక్షుడు డొనాల్డ్ ట్రంప్ ఉసూరుమన్నారు. పోస్టాఫీసులు, లోకల్ ఎలెక్షన్ సంస్థల్లో మెయిల్-ఇన్-బ్యాలెట్లు కుప్పలు, తెప్పలుగా పేరుకుపోవచ్ఛునన్న ఆందోళనను ఆయన వ్యక్తం చేశారు. దీనివల్ల ఫలితాలు చాలా జాప్యం కావచ్ఛు అన్నారు. ఆ రోజున అసలు ఎలెక్షన్ కౌంట్ అన్న ప్రసక్తే ఉండదని, ఇది ఎప్పుడు ముగుస్తుందో చెప్పలేమని పేర్కొన్నారు., నా  అభిప్రాయం ప్రకారం బహుశా ఫలితాల ప్రకటనకు వారాలు, నెలలు పట్టవచ్చు..  అసలు ఫలితం వెల్లడి కాకపోయినా ఆశ్చర్యం లేదు’ అని ట్రంప్ వ్యాఖ్యానించారు. కౌన్సిల్ ఆఫ్ నేషనల్ పాలసీ సభ్యులను ఉద్దేశించి ప్రసంగించిన ఆయన.. 50 మిలియన్ల ఓటర్ల మెయిల్-ఇన్-ఓట్ల లెక్కింపు చాలా ఆలస్యమయ్యే సూచనలు ఉన్నాయన్నారు. అందులోనూ ఈ కరోనా వైరస్ పాండమిక్ తరుణం కూడా ఇందుకు దోహదం చేస్తోందన్నారు.

ఈ ఎన్నికల్లో తన డెమొక్రాట్ ప్రత్యర్థి జో బిడెన్ కన్నా చాలా వెనుకబడి ఉన్న ట్రంప్.. ఫలితాలను తారుమారు చేసేందుకు డెమొక్రాట్లు దేశవ్యాప్తంగా మెయిల్-ఇన్-ఓటింగ్ ని మానిప్యులేట్ చేయడానికి యత్నిస్తున్నారని ఆరోపించారు. ఇది మన ప్రజాస్వామ్యానికి పెద్ద సమస్య అవుతుందన్నారు.