అమెరికాలో బ్యాట్ మేన్ ప్రొటెస్ట్..!

అమెరికాలో ఓ నిరసనకారుడు బ్యాట్ మేన్ గెటప్ తో ఎంట్రీ ఇచ్చి అందరి దృష్టినీ ఆకర్షించాడు. ఫక్తు హాలీవుడ్ సినిమాల్లోలాగానే సెన్సేషన్ బ్యాట్ మేన్ కేరక్టర్ తో హల్ చల్ చేశాడు. ఇప్పుడా వీడియో సోషల్ మీడియాలో వైరల్ గా మారింది. అమెరికాలో నల్లజాతీయుల నిరసన ఆరో రోజుకు చేరింది. పోలీసుల దౌర్జన్యకాండను వ్యతిరేకంగా రాత్రి వేళల్లోనూ ఆందోళనలు కొనసాగుతున్నాయి. ఆఫ్రికన్ అమెరికన్ అయిన జార్జ్ ఫ్లాయిడ్‌ను పోలీసులు అరెస్టు చేస్తుండగా చనిపోవడం నల్లజాతీయుల్లో ఆగ్రహం వెల్లువెత్తుతోంది. పోలీసులపై తిరగబడిన యువత పోలీసుల వాహనాలను తగలబెడుతున్నారు. ఎక్కడికక్కడ హింసాత్మక ఘటనలు జరుగుతున్నాయి. ఆందోళనకారులను అదుపు చేసేందుకు పోలీసులు నలభై నగరాల్లో కర్ఫ్యూ విధించారు. అయినా ఉద్రిక్తతలు ఏ మాత్రం తగ్గట్లేదు. న్యూయార్క్, చికాగో, ఫిలడెల్ఫియా, లాస్ ఏంజెల్స్‌లో టెన్షన్ వాతావరణం ఉంది. ఆందోళనకారులు షాపులను లూటీ చేస్తున్నారు. నిరసనకారులు చివరకు వైట్‌హౌస్ పైనా రాళ్లు విసిరి నిరసన తెలిపారు. హాలీవుడ్ సినిమాల్లోలాగానే నిరసనకారుడు బ్యాట్స్ మేన్ కస్ట్యూమ్స్ తో రావడం.. అదే సమయంలో ఆందోళనలు, పొగ, దుమ్ము అన్నీ సినీమాటిక్ లుక్ తెప్పించాయి. ఇదంతా సోషల్ మీడియాలో వైరల్ కావడంతో బ్యాట్ మేన్ కేరక్టర్ మరోసారి టాక్ ఆఫ్ ది వాల్డ్ అయ్యింది.