‘పుష్ప’ నుంచి విజయ్ తప్పుకోవడానికి గల కారణమిదేనా..!
అల్లు అర్జున్ హీరోగా సుకుమార్ తెరకెక్కిస్తోన్న పుష్ప సినిమా షూటింగ్ ఆ మధ్యనే ప్రారంభమైంది. అయితే అల వైకుంఠపురములో బిజీగా ఉండటం వలన ఈ మూవీ షూటింగ్లో బన్నీ ఇంకా పాల్గొనలేదు.
అల్లు అర్జున్ హీరోగా సుకుమార్ తెరకెక్కిస్తోన్న పుష్ప సినిమా షూటింగ్ ఆ మధ్యనే ప్రారంభమైంది. అయితే అల వైకుంఠపురములో బిజీగా ఉండటం వలన ఈ మూవీ షూటింగ్లో బన్నీ ఇంకా పాల్గొనలేదు. ఇక ఇప్పుడు లాక్డౌన్తో మూవీ షూటింగ్ వాయిదా పడింది. ఈ క్రమంలో ఈ మూవీ యూనిట్కు కోలీవుడ్ నటుడు విజయ్ సేతుపతి షాక్ ఇచ్చారని, ఈ ప్రాజెక్ట్ నుంచి ఆయన తప్పుకున్నారని వార్తలు వినిపించాయి. అయితే డేట్లు అడ్జెస్ట్ అవ్వకపోవడం వల్లే ఈ మూవీ నుంచి విజయ్ తప్పుకున్నట్లు టాక్ నడించింది. కానీ ఈ ప్రాజెక్ట్ నుంచి ఆయన బయటకు వెళ్లడానికి మరో కారణం ఉందట.
పుష్పకు విజయ్ను ఫైనల్ చేసినప్పుడు.. తెలుగులో మాత్రమే ఈ సినిమాను తీయబోతున్నట్లు తెలిపారట. అయితే బన్నీ పుట్టినరోజు సందర్భంగా ఈ మూవీ ఫస్ట్లుక్ను విడుదల చేయడంతో పాటు.. ఐదు భాషల్లో ఈ సినిమాను రిలీజ్ చేయబోతున్నట్లు చిత్రయూనిట్ ప్రకటించింది. దీంతో విజయ్ షాక్కు గురయ్యారట. ప్రస్తుతం విజయ్ కోలీవుడ్లో స్టార్ హీరోగా కొనసాగుతున్నారు. అయితే కొన్ని చిత్రాల్లో విలన్ పాత్రలను కూడా చేశారు. ఇలయ దళపతి హీరోగా లోకేష్ కనగరాజ్ తెరకెక్కిస్తోన్న మాస్టర్ చిత్రంలోనూ విజయ్ సేతుపతి విలన్గా కనిపిస్తున్నారు.
అయితే వరుసగా విలన్ పాత్రలు చేస్తే అది తన హీరో కెరీర్పై ప్రభావం చూపుతుందని భావించిన విజయ్.. పుష్ప విషయంలో నటించలేనని చెప్పారట. ఒకవేళ తమిళ భాషలో సినిమాను రిలీజ్ చేయకపోతే.. ఇందులో నటిస్తానని సుకుమార్కు చెప్పారట. లేకపోతే తమిళ భాష కోసం మరో నటుడిని పెట్టాలని సూచించారట. అయితే ఐదు భాషల్లో రాబోతున్న ఈ మూవీలో ఒక భాషలో ఒక పాత్ర కోసం ఇంకో నటుడిని తీసుకోవడం కష్టమని భావించిన సుకుమార్.. విజయ్ నిర్ణయంపై ఆలోచిస్తున్నట్లు తెలుస్తోంది. కాగా మరోవైపు ఈ పాత్ర కోసం సుశీల్ శెట్టి, బాబీ సింహా, ధనుంజయ తదితర పేర్లను పరిశీలిస్తున్నట్లు కూడా సమాచారం. మరి ఈ మూవీలో ఎవరెవరు నటించబోతున్నారు..? పుష్ప ఎప్పుడు ప్రేక్షకుల ముందుకు రానుంది..? అనే విషయాలకు త్వరలోనే అధికారిక ప్రకటన రానుంది.
Read This Story Also: మహేష్కు ముందు అతడితో డేటింగ్.. నమ్రత ఏం చెప్పిందంటే..!