Corona vaccine dry run : వ్యాక్సిన్ రిహార్సల్స్.. జనవరి 2న అన్ని రాష్ట్రాల రాజధానుల్లో డ్రైరన్..

దేశంలో కరోనా వ్యాక్సిన్‌కు సంబంధించి కీలక ఏర్పాట్లు జరుగుతున్నాయి. వ్యాక్సిన్ పంపిణీలో విషయంలో ఉన్న లోటుపాట్లు తెలుసుకునేందుకు ఇప్పటికే నాలుగు రాష్ట్రాల్లో డ్రైరన్ ముగిసింది. ఈ క్రమంలో అన్ని రాష్ట్రాలు, కేంద్ర పాలిత ప్రాంతాల్లో డ్రైరన్ నిర్వహించేందుకు కేంద్ర ప్రభుత్వం యాక్షన్ ప్లాన్ రెడీ చేసింది. జనవరి 2వ తేదీ దేశవ్యాప్తంగా డ్రైరన్ నిర్వహించేందుకు సిద్దమైంది. ఆరోగ్యశాఖ కార్యదర్శి రాజేశ్‌ భూషణ్‌ నేతృత్వంలోని ఉన్నత స్థాయి సమావేశం గురువారం జరిగింది. ఇందులో భాగంగా అన్ని రాష్ట్రాల్లో డ్రైరన్‌ నిర్వహించేందుకు సిద్ధంగా ఉండాలని రాష్ట్రాలకు ఆదేశాలు జారీ అయ్యాయి.

ఎనీ టైమ్ వ్యాక్సిన్స్‌కు గ్రీన్ సిగ్నల్స్ లభించే అవకాశం ఉన్న నేపథ్యంలో సిబ్బందికి ఎటువంటి మార్గనిర్దేశకాలు ఉండాలి..వ్యాక్సిన్ ఎలా నిల్వ చేయాలి, వ్యాక్సిన్ తరలింపు, యాప్ కోవిన్ పనితీరు వంటి వాటిపై పూర్తి అవగాహన కోసం ఈ డ్రైరన్ నిర్వహిస్తున్నారు. ఇటీవల ఏపీ, పంజాబ్, అసోం, గుజరాత్ రాష్ట్రాల్లోని పలు ప్రాంతాల్లో డ్రైరన్ నిర్వహించారు. ఈ ప్రక్రియ విజయవంతంగా పూర్తయినట్లు కేంద్రం ప్రకటించింది. దీంతో దేశవ్యాప్త డ్రైరన్‌కు సిద్ధమైంది.

Also Read : Reliance Jio : వినియోగదారులకు జియో న్యూ ఇయర్ గిఫ్ట్.. 2021 జనవరి 1 నుంచి అన్ని కాల్స్ ఉచితం