ఏలియన్స్..? యూఎఫ్ఓ..? ఆ మెరిసే లైట్ల వెనుక కథేంటి..!
ఏలియన్స్, యూఎఫ్ఓ(అన్ఐడెంటిఫైడ్ ఫ్లైయింగ్ ఆబ్జెక్ట్స్) వీటి గురించి తెలుసుకునేందుకు ప్రపంచంలోని ఎంతోమంది శాస్త్రవేత్తలు కొన్నేళ్లుగా పరిశోధనలు చేస్తూనే ఉన్నారు. అయితే వాటి గురించిన సమాచారం మాత్రం ఇప్పటికీ వారు పూర్తిగా తెలుసుకోలేకపోతున్నారు. ఈ నేపథ్యంలో తాజాగా స్వీడన్ దేశంలో ఆకాశంలో ఓ వింత కనిపించింది. స్వీడన్‌లోని అబిస్కోలో శనివారం ఉదయం కొన్ని వెలుగులు ఆకాశంలో కనిపించాయి. ఆకాశంలో రెండు స్థానాల్లో అవి దర్శనమిచ్చాయి. వీటిని ప్రముఖ ఫొటోగ్రాఫర్ చాద్ బ్లాక్లీ తన కెమెరాలో బంధించి ఫేస్‌బుక్‌లో పోస్ట్ […]
ఏలియన్స్, యూఎఫ్ఓ(అన్ఐడెంటిఫైడ్ ఫ్లైయింగ్ ఆబ్జెక్ట్స్) వీటి గురించి తెలుసుకునేందుకు ప్రపంచంలోని ఎంతోమంది శాస్త్రవేత్తలు కొన్నేళ్లుగా పరిశోధనలు చేస్తూనే ఉన్నారు. అయితే వాటి గురించిన సమాచారం మాత్రం ఇప్పటికీ వారు పూర్తిగా తెలుసుకోలేకపోతున్నారు. ఈ నేపథ్యంలో తాజాగా స్వీడన్ దేశంలో ఆకాశంలో ఓ వింత కనిపించింది. స్వీడన్‌లోని అబిస్కోలో శనివారం ఉదయం కొన్ని వెలుగులు ఆకాశంలో కనిపించాయి. ఆకాశంలో రెండు స్థానాల్లో అవి దర్శనమిచ్చాయి. వీటిని ప్రముఖ ఫొటోగ్రాఫర్ చాద్ బ్లాక్లీ తన కెమెరాలో బంధించి ఫేస్‌బుక్‌లో పోస్ట్ చేశాడు.
https://www.facebook.com/lightsoverlapland/posts/2387701944587651
‘‘రాత్రిపూట ఆకాశంలోని వింతలను బంధించే అరోరా వెబ్ కెమెరాలో వీటిని మొదట గమనించాను. తరువాత వాటిని చూసి చాలా ఆశ్చర్యపోయా. ఇది ఒక వింత’’ అంటూ బ్లాక్లీ కామెంట్ పెట్టాడు. దీంతో ఈ ఫొటో కాస్త వైరల్‌గా మారింది. ఈ నేపథ్యంలో అవి ఏలియన్స్ అని కొందరు, యూఎఫ్ఓ అని మరికొందరు కామెంట్లు పెట్టారు. ఇంకొందరైతే ఇది ఫొటోషాప్ అంటూ కొట్టిపారేశారు. అయితే ఈ మిస్టరీ లైట్లపై అందోయ అంతరిక్ష కేంద్రం ఎట్టకేలకు స్పందించింది. అవి మిస్టరీ లైట్లు కాదని, ఒక ప్రయోగానికి సంబంధించిన లైట్లని ఆ సంస్థ వెల్లడించింది.
‘‘నాసా సౌండింగ్ రాకెట్ ప్రోగ్రామ్ ఆఫీస్, అందోయ స్పేస్ సెంటర్ కలిసి అజుర్(AZURE-ద ఆరోరల్ జోన్ అప్‌వెల్లింగ్ రాకెట్ ఎక్పరిమెంట్) ప్రయోగాన్ని చేశాయి. ఆ ప్రయోగంలో నిమిషాల వ్యవధిలో రెండు సౌండింగ్ రాకెట్లను అంతిరిక్షంలోకి పంపాం. కొంత ఎత్తుకు వెళ్లిన తరువాత ఆ రాకెట్లు మెటాలిక్ పౌడర్‌ను వాతావరణంలోకి విడుదల చేశాయి. అరోరా బొరైల్స్‌లోని పరిస్థితులపై అధ్యయనం చేసేందుకు ఈ ప్రయోగాన్ని చేశాం’’ అంటూ దానికి సంబంధించిన ఫొటోలను సోషల్ మీడియాలో షేర్ చేసింది.
NASA Sounding Rockets Program Office and ASC launched two sounding rockets in the AZURE project tonight at 2214 UTC. The two vehicles were launched two minutes apart, reaching 320 km altitude while releasing a visible gas to investigate conditions inside the aurora borealis. pic.twitter.com/nrqHJt1Hfx
— Andoya Space Center (@AndoyaSpace) April 6, 2019
మరోవైపు దీనిపై నాసా కూడా స్పందించింది. ‘‘అజుర్ మిషన్ విజయవంతమైంది. ఈ రాకెట్లు ఆకాశంలో ఓ కలర్ షోను ప్రదర్శించాయి. భూమి ఐనోస్పియర్‌లోని న్యూటర్, చార్జ్‌డ్ పార్టికల్స్‌పై పరిశోధన చేసేందుకు ఇవి దోహదపడతాయి’’ అంటూ కామెంట్ పెట్టింది. దీంతో అందరి అనుమానాలకు సమాధానం దొరికినట్లైంది.
The AZURE mission successfully launched back-to-back aboard two sounding rockets in Norway tonight. These colorful clouds created a light show in the sky, helping researchers track the flow of neutral and charged particles in Earth's ionosphere. Details: https://t.co/aAp7FJDPgk. pic.twitter.com/vCZ3wFzzBo
— NASA Wallops (@NASA_Wallops) April 5, 2019
