Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 58 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 158333. దేశ వ్యాప్తంగా యాక్టీవ్ కేసులు: 86110. కరోనా నుంచి డిశ్చార్జ్ అయిన బాధితులు: 67692. దేశం మొత్తం కరోనా తో మృతుల సంఖ్య : 4531. కేంద్ర ఆరోగ్య మంత్రిత్వ శాఖ.
  • అమరావతి నేడు రెండో రోజు మహానాడు కార్యక్రమం. ఉదయం 10గంటలకు ప్రారంభంకానున్న రెండో రోజు మహానాడు పార్టీ వ్యవస్థాపక అధ్యక్షులు ఎన్టీఆర్ జయంతి సందర్భంగా నివాళులు అర్పించనున్న టీడీపీ.
  • తిరుమల: నేడు టీటీడీ పాలక మండలి సమావేశం. లాక్ డౌన్ దృష్డ్యా మొదటిసారి వీడియో కాన్ఫరెన్స్ ద్వారా జరగనునన్న టీటీడీ బోర్డు సమావేశం. పది గంటలకు ప్రారంభం కానున్న సమావేశం. సిస్కో వెబ్ ఎక్స్ యాప్ ద్వారా సమావేశంలో పాల్గొననున్న బోర్డు సభ్యులు. 60 అంశాలతో ఎజెండా. నిరరార్ధక ఆస్తుల వేలం తీర్మానంపై కీలకంగా చర్చించనున్న బోర్డు. ప్రభుత్వ అదేశాలనంతరం భక్తులకు శ్రీవారి దర్శనం, వసతి సదుపాయాల కల్పన విధివిధానాలపై చర్చించనున్న పాలకమండలి టీటీడీ ఆర్థిక పరిస్థితిపై చర్చించే అవకాశం.
  • ఎన్టీఆర్ 97 వ జయంతి సందర్భంగా ఎన్టిఆర్ ఘాట్ లో నివాళులు అర్పించిన బాలకృష్ణ దంపతులు , సుహాసిని.
  • అమరావతి హైకోర్టు న్యాయమూర్తులపై అభ్యంతరకర వ్యాఖ్యలు చేసిన కేసు ఏడుగురు పై కేసులు నమోదు చేసిన సీఐడీ.. హైకోర్టు రిజిస్ట్రార్‌ జనరల్‌ రాజశేఖర్‌ ఫిర్యాదు మేరకు కేసులు నమోదు. విచారణకు హాజరు కావాలని పలువురికి సీఆర్‌పీసీ 41ఏ కింద నోటీసులు జారీ..
  • హైదరాబాద్ నగరంలో గురువారం నుంచి మాల్స్ మినహా అన్ని రకాల షాపులు తెరవడానికి ప్రభుత్వం అనుమతి ఇచ్చింది. ప్రస్తుతం నగరంలో ఒక షాపు తప్పించి మరో షాపు తెరిచే వెసులుబాటు కల్పించింది. దీనివల్ల ఒకే షాపులో ఎక్కువ మంది గుమిగూడే ప్రమాదం ఏర్పడుతున్నది. ఎక్కువ షాపులు తెరిచి, తక్కువ మంది పోగయ్యే విధానం అనుసరించాలని నిర్ణయించింది. షాపుల యజమానులు, వినియోగదారులు కోవిడ్ నిబంధనలు పాటించాలని ప్రభుత్వం కోరింది.
  • కరోనా హెల్త్ బులిటిన్ విడుదల చేసిన తెలంగాణా ఆరోగ్య శాఖ. రాష్ట్రంలో ఇవాళ 107 పాజిటివ్ కేసులు నమోదు. * సౌదీ అరేబియా 49, వలస కార్మికులు 19 పాజిటివ్ కేసులు నమోదు. ఇవ్వాళ కొత్తగా 6మంది మృతి. ఇప్పటి వరకు మొత్తం 64కి చేరిన మృతుల సంఖ్య. ఇవాళ 37 మంది డిశ్చార్జి అయినట్లు వైద్యుల వెల్లడి. ఇప్పటి వరకు 1321 మంది డిశ్చార్జి.

RRR: అలియా విషయంలో రాజమౌళి టెన్షన్.. ఆ సీన్ రిపీట్ అవుతుందా..!

'బాహుబలి'తో విశ్వవ్యాప్తంగా పేరును ఘడించిన దర్శకధీరుడు రాజమౌళి ప్రస్తుతం 'ఆర్ఆర్ఆర్‌'ను తెరకెక్కిస్తోన్న విషయం తెలిసిందే. టాలీవుడ్ స్టార్ హీరోలు ఎన్టీఆర్, రామ్ చరణ్‌లు ఈ మూవీలో మొదటిసారిగా కలిసి నటిస్తున్నారు.
Alia Bhatt tension to Rajamouli, RRR: అలియా విషయంలో రాజమౌళి టెన్షన్.. ఆ సీన్ రిపీట్ అవుతుందా..!

‘బాహుబలి’తో విశ్వవ్యాప్తంగా పేరును ఘడించిన దర్శకధీరుడు రాజమౌళి ప్రస్తుతం ‘ఆర్ఆర్ఆర్‌’ను తెరకెక్కిస్తోన్న విషయం తెలిసిందే. టాలీవుడ్ స్టార్ హీరోలు ఎన్టీఆర్, రామ్ చరణ్‌లు ఈ మూవీలో మొదటిసారిగా కలిసి నటిస్తున్నారు. ఫిక్షన్ కథాంశంతో తెరకెక్కుతోన్న అలియా భట్, ఒలివియా హీరోయిన్లుగా కనిపించనుండగా.. అజయ్ దేవగన్, రాహుల్ రామకృష్ణ, సముద్రఖని తదితరులు కీలక పాత్రలలో కనిపించనున్నారు. ఈ మూవీ షూటింగ్ కూడా దాదాపుగా 60శాతం పూర్తి అయ్యింది. ఇక ఈ మూవీకి సంబంధించి ఇటీవల హైదరాబాద్‌లో ఓ కీలక షెడ్యూల్‌ పూర్తి అవ్వగా.. తదుపరి షెడ్యూల్‌ను పుణెలో ప్లాన్ చేశారు. అయితే కరోనా నేపథ్యంలో మూవీ షూటింగ్‌లకు బ్రేక్ పడగా.. ఆర్ఆర్ఆర్ కూడా చిత్రీకరణను ఆపేసింది.

ఇక అసలు మ్యాటర్‌లోకి వెళ్తే.. పుణె షెడ్యూల్‌లో అలియా పాల్గొనాల్సి ఉంది. దానికి సంబంధించిన డేట్లను కూడా ఆమె ఇచ్చేసింది. కానీ ఇప్పుడు షూటింగ్‌కు బ్రేక్ పడిన నేపథ్యంలో.. ఆమె మళ్లీ డేట్లు అడ్జెస్ట్ చేయడం చాలా కష్టం. ఎందుకంటే బాలీవుడ్‌లో ఆమె చేతినిండా సినిమాలు ఉన్నాయి. అలాంటి నేపథ్యంలో ఈ ప్రాజెక్ట్ కోసం డేట్లు అడ్జెస్ట్ చేయడం కాస్త కష్టమైన పనే. ఒకవేళ తప్పుకుంటే ఆర్ఆర్ఆర్‌కు మరోసారి హీరోయిన్ సమస్య ఎదురవుతోంది. అంతేకాదు ఇప్పుడున్న పరిస్థితుల్లో ఇంకో స్టార్ హీరోయిన్ దొరకడం కూడా చాలా కష్టమే. కాగా ఇదే సమస్యనే గతంలోనూ ఓ సారి ఎదుర్కొంది ఆర్ఆర్ఆర్ టీమ్.

ఆర్ఆర్ఆర్‌లో ఎన్టీఆర్ జోడీగా మొదట హాలీవుడ్ బ్యూటీ డైజీ ఎడ్గర్ జోన్స్‌ను అధికారికంగా ప్రకటించింది చిత్ర యూనిట్. కానీ కొన్ని కారణాల వలన ఈ ప్రాజెక్ట్ నుంచి ఆమె తప్పుకోవడంతో.. ఆ తరువాత మరో హీరోయిన్‌ను ఎంపిక చేయడానికి ఆర్ఆర్ఆర్ టీమ్‌కు చాలా రోజులే పట్టింది. ఇక ఇప్పుడు అలియా విషయంలో అదే జరిగితే.. ఈ సారి భారీ షాక్ తప్పదు. ఎందుకంటే షూటింగ్‌లో జాప్యం వల్లన ఇప్పటికే ఆరు నెలలకు ఆర్ఆర్ఆర్ విడుదల వాయిదా పడింది. ఇక మరోసారి వాయిదా అంటే ఆ పరిస్థితి ఎలా ఉంటుందో బాహుబలి మూవీల సమయంలో అందరూ చూశారు. ఈ నేపథ్యంలో రాజమౌళి, అలియాతో సంప్రదింపులు జరుపుతున్నారట. బాలీవుడ్‌లో కూడా షూటింగ్‌లకు బ్రేక్‌లు ఇస్తున్నారు కాబట్టి.. ఆర్ఆర్ఆర్ కోసం డేట్లను అడ్జెస్ట్ చేసుకోవాలని ఆమెకు సూచించారట. దీనిపై అలియా కూడా సానుకూలంగానే ఉన్నట్లు తెలుస్తోంది. మరి చివరకు ఏం జరుగుతుంది..? ఆర్ఆర్ఆర్‌ అనుకున్న సమయానికి షూటింగ్‌ను పూర్తి చేసుకుంటుందా..? ఈ సారైనా రాజమౌళి చెప్పిన సమయానికి వస్తారా..? లేక బాహుబలిలాగే వాయిదాల మీద వాయిదాలు వేస్తారా..? ఇలాంటి ప్రశ్నలన్నింటికి సమాధానం తెలియాలంటే కొద్ది రోజులు ఆగాల్సిందే.

Read This Story Also: ఏబీ వెంకటేశ్వరరావుకు షాక్.. సస్పెన్షన్‌ను సమర్ధించిన క్యాట్..!

Related Tags