అలియా కోరిక ఓకే.. కానీ రాజమౌళి ఒప్పుకుంటారా..!
ఎన్టీఆర్, రామ్ చరణ్‌లు హీరోలుగా దర్శకధీరుడు రాజమౌళి తెరకెక్కిస్తోన్న భారీ బడ్జెట్ చిత్రం ఆర్ఆర్ఆర్.
Alia Bhatt RRR: ఎన్టీఆర్, రామ్ చరణ్‌లు హీరోలుగా దర్శకధీరుడు రాజమౌళి తెరకెక్కిస్తోన్న భారీ బడ్జెట్ చిత్రం ఆర్ఆర్ఆర్. ఈ మూవీ ద్వారా అలియా భట్ టాలీవుడ్‌కి పరిచయం అవుతున్నారు. ఇక ఇటీవల ఆర్ఆర్ఆర్ షూటింగ్ ప్రారంభం కాగా.. ఇందులో అలియా కూడా పాల్గొంటున్నట్లు తెలుస్తోంది.
ఇదిలా ఉంటే ఈ మూవీ కోసం అలియా భట్ తెలుగును నేర్చుకుంటున్నట్లు సమాచారం. ఇందులో భావాలను మరింత పలికించడం ఆమె తెలుగు ట్యూటోరియల్స్ తీసుకున్నట్లు టాక్. అంతేకాదు ఆర్ఆర్ఆర్ కోసం అలియా భట్ మరో సాహసం చేయాలనుకుంటోందట. అదేంటంటే ఈ మూవీలో తన పాత్రకు తెలుగులో తానే డబ్బింగ్ చెప్పాలనుకుంటోందట. ఆమె తెలుగు నేర్చుకునేందుకు ఇది కూడా ఒక కారణమని తెలుస్తోంది.
అయితే ప్రతి విషయంలోనూ పర్‌ఫెక్షన్‌ చూసుకునే జక్కన్న అలియా భట్ నిర్ణయానికి ఓకే చెప్తారా..? అన్నది కాస్త ఆలోచించాల్సిన విషయం. కాగా బాహుబలి సినిమా సమయంలోనూ అనుష్క తన పాత్రకు డబ్బింగ్ చెప్పాలనుకుందని, కానీ అందుకు జక్కన్న ఒప్పుకోలేదని టాక్. అనుష్కకు తెలుగు బాగానే వచ్చినప్పటికీ జక్కన్న ఒప్పుకోక పోగా.. మరి ఇప్పుడు అలియాకు గ్రీన్ సిగ్నల్ ఇస్తారా..? అన్న డౌట్‌ కొంతమందిలో తలెత్తుతుంది.
కాగా ఈ మూవీలో ఎన్టీఆర్ కొమరం భీమ్‌గా, చెర్రీ అల్లూరి సీతారామరాజుగా కనిపించనున్నారు. అలియా, ఒలివియా హీరోయిన్లుగా నటిస్తుండగా.. అజయ్ దేవగన్, శ్రియ, సముద్రఖని, రాహుల్ రామకృష్ణ తదితరులు కీలక పాత్రల్లో కనిపించనున్నారు. డీవీవీ దానయ్య నిర్మిస్తోన్న ఈ మూవీకి కీరవాణి సంగీతం అందిస్తున్నారు. దసరా సందర్భంగా ఈ నెల 22న ఈ మూవీ నుంచి ఎన్టీఆర్ టీజర్ విడుదల కానుంది.
Read More:
ప్రభాస్ ‘ఆదిపురుష్‌’.. శివుడిగా ఆ టాప్‌ హీరో..!
స్వల్ప లక్షణాలైనా.. ఆరోగ్యంపై కరోనా దీర్ఘకాలికంగా ప్రభావం..!
