Breaking News
  • సిద్దిపేట: దేశానికి ఆదర్శంగా గజ్వేల్‌ నిలువబోతోంది. గజ్వేల్‌లో సీఎం పర్యటనకు అన్ని ఏర్పాట్లు పూర్తి. రూ.కోట్లతో నిర్మించిన కార్యాలయాలను సీఎం కేసీఆర్‌ ప్రారంభిస్తారు-హరీష్‌రావు.
  • ఇంటర్‌ పరీక్షల నిర్వహణపై కార్యదర్శి జలీల్‌ ప్రెస్‌మీట్‌. అధిక పరీక్ష ఫీజులు వసూలు చేసిన మూడు కాలేజీలు దసరాసెలవుల్లో తరగతులు నిర్వహించిన కాలేజీలకు నోటీసులు. ఎలాంటి సమస్యలు తలెత్తకుండా జాగ్రత్తలు తీసుకున్నాం. హాల్‌ టికెట్లపై ఏ సమస్య ఉన్నా భయపడొద్దు. ఏదైనా సమస్య ఉంటే బోర్డును సంప్రదించాలి. Tsbie.gov.inలో విద్యార్థులు తమ వివరాలు చెక్‌చేసుకోవచ్చ -ఇంటర్‌ బోర్డ్‌ కార్యదర్శి ఉమర్‌ జలీల్‌
  • రేపు ఏపీ వ్యాప్తంగా టీడీపీ నిరసనలు. పెరిగిన ఆర్టీసీ చార్జీలకు నిరసనగా ఆందోళనలు. ఆర్టీసీ డిపోల ఎదుట నిరసనలకు పిలుపు నిచ్చిన టీడీపీ
  • తిరుమలలో భక్తుల రద్దీ సాధారణం శ్రీవారి ఉచిత దర్శనానికి 7 గంటల సమయం. ఈ రోజు శ్రీవారి హుండీ ఆదాయం రూ.2.73 కోట్లు.
  • విశాఖ: రైల్వే ఈ-టికెట్లు బ్లాక్‌ చేస్తున్న ముఠా గుట్టురట్టు. దువ్వాడ, తాటిచెట్లపాలెంలో ఆర్పీఎఫ్‌ దాడులు ఈ-టికెట్లు బ్లాక్‌ చేస్తున్న ఇద్దరు అరెస్ట్‌. రూ.14.89 లక్షల విలువైన ఈ-టికెట్లు సీజ్‌. కటక్‌కు చెందిన సమీర్‌కుమార్‌ ప్రధాన్‌, దుర్గారావు అరెస్ట్‌. ఐఆర్‌సీటీసీ వెబ్‌సైట్‌ను హ్యాక్‌ చేస్తున్న నిందితులు ల్యాప్‌టాప్‌, డాక్యుమెంట్లు సీజ్‌చేసిన ఆర్పీఎఫ్‌
  • కర్నూలు: నంద్యాలలో మందుబాబుల వీరంగం. పబ్లిక్‌గా మద్యం సేవిస్తున్న యువకులు. అడ్డుచెప్పిన మస్తాన్‌ వలీ అనే వ్యక్తిపై రాళ్లదాడి మస్తాన్‌వలీకి తీవ్రగాయాలు, ఆస్పత్రికి తరలింపు.
  • వరంగల్‌: హన్మకొండలో గుంతలరోడ్డుకు యువతి బలి. హంటర్‌రోడ్డులో గుంతలో పడి విద్యార్థిని బైక్‌ బోల్తా. రాంపూర్‌కు చెందిన విద్యార్థిని బ్లెస్సీ అక్కడికక్కడే మృతి.

యాక్షన్ ఎఫెక్ట్.. స్పిన్నర్‌పై ఐసీసీ వేటు..!

Akila Dananjaya banned from bowling for one year, యాక్షన్ ఎఫెక్ట్.. స్పిన్నర్‌పై ఐసీసీ వేటు..!

శ్రీలంక స్పిన్నర్‌కు ఐసీసీ షాక్ ఇచ్చింది. స్పిన్నర్ అకిల ధనంజయ‌పై ఏడాదిపాటు ఐసీసీ నిషేధం విధించింది. గత నెల ఆగస్టులొ 14-18 తేదీల మధ్య న్యూజిలాండ్‌తో జరిగిన తొలి టెస్టులో ధనంజయ బౌలింగ్‌ యాక్షన్‌పై మ్యాచ్ అధికారులు అనుమానం వ్యక్తం చేశారు. దీంతో అకిల ధనంజయ బౌలింగ్ యాక్షన్‌పై అపెక్స్ క్రికెటింగ్ బాడీకి ఫిర్యాదు చేశారు. దీంతో గత నెల 29న చెన్నైలో నిర్వహించిన బౌలింగ్ పరీక్షకు ధనంజయ హాజరయ్యాడు. అధికారులు సమక్షంలో ధనంజయ బౌలింగ్ వేశాడు. బౌలింగ్ యాక్షన్‌ నిబంధనలకు విరుద్ధంగా ఉన్నట్లు అధికారులు గుర్తించారు. దీంతో ధనంజయపై 12 నెలల నిషేధం విధిస్తూ తాజాగా ఐసీసీ ఆదేశాలు జారీ చేసింది.

అయితే అకిల ధనంజయ సస్పెండ్ కావడం ఇదే తొలిసారేమి కాదు.. గతంలో కూడా ఓ సారి ఇలానే నిషేధానికి గురయ్యాడు. 2018 డిసెంబరులో ఓసారి సస్పెన్షన్‌కు గురయ్యాడు. అయితే, ఆ తర్వాత అతడు తన బౌలింగ్ యాక్షన్‌ను సరిచేసుకున్నాడు. దీంతో ఈ ఏడాది ఫిబ్రవరిలో నిషేధాన్ని ఐసీసీ ఎత్తివేసింది. అయితే ఇంతలోనే మరోసారి అనుమానాస్పద బౌలింగ్‌తో మళ్లీ ఐసీసీ నిషేధానికి గురయ్యాడు. కాగా, ఐసీసీ విధించిన 12 నెలల నిషేధం ముగిసిన తర్వాత.. మళ్లీ తన బౌలింగ్ యాక్షన్‌ను మరోసారి పరిశీలించమని ఐసీసీని కోరే అవకాశం ఉంటుంది. మరి అప్పుడు కూడా మళ్లీ సెలక్ట్ అయ్యి.. కొనసాగుతాడా.. లేక యాక్షన్‌ అలానే వేసి వేటు కొనసాగించుకుంటాడో మరో ఏడాది పాటు వేచి చూస్తే తెలుస్తుంది.