Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

రాజస్థాన్‌లో కుప్పకూలిన మిగ్ – 21

, రాజస్థాన్‌లో కుప్పకూలిన మిగ్ – 21

జైపూర్ : రాజస్థాన్‌లోని బికనీర్‌లో మిగ్ 21 యుద్ధ విమానం కుప్పకూలింది. సాధారణ ట్రయల్స్‌లో భాగంగా పైకి ఎగిరిన మిగ్ 21న విమానం.. కాసేపటికే కూలినట్టు ఎయిర్‌ఫోర్స్ వర్గాలు తెలిపాయి. అయితే, పైలెట్ సురక్షితంగా బయటకు దూకేయడంతో ప్రాణాపాయం తప్పింది. ఈ ఘటనపై ఎయిర్‌ఫోర్స్ వర్గాలు విచారణ చేస్తున్నాయి. ప్రమాదానికి కారణాలను అన్వేషిస్తున్నాయి. ఓ పక్షి ఢీకొట్టడం వల్ల ప్రమాదం జరిగినట్టు భావిస్తున్నారు. ఘటన జరిగిన వెంటనే పోలీసులు సంఘటన స్థలానికి బయలుదేరి వెళ్లారు. ఈ మధ్యకాలంలో యుద్ధ విమానాలు వరుసగా కూలుతున్నాయి. ఫిబ్రవరి 27న మిగ్ 17 హెలికాప్టర్ జమ్మూకాశ్మీర్‌లో కూలిపోయింది. ఆ ఘటనలో ఆరుగురు సిబ్బంది, ఒక పౌరుడు ప్రాణాలు కోల్పోయారు. ఫిబ్రవరి 1న బెంగళూరులో మిరాజ్ 2000 జెట్ కూలిపోయింది. ఆ ఘటనలో ఇద్దరు పైలెట్లు చనిపోయారు. 2018 సెప్టెంబర్ 4న మిగ్ 27 కూలింది. దీంతో వరుస ఘటనలు ఎయిర్ ఫోర్స్ వర్గాలను కలవరపెడుతున్నాయి.