ఆ విమానం ఆచూకి తెలిపితే రూ.5 లక్షలు
వారం క్రితం గల్లంతైన భారత వైమానిక దళానికి చెందిన ఏఎన్ -32 విమాన ఆచూకీ ఇంకా లభ్యం కాలేదు. దీంతో విమాన జాడ తెలియజేసిన వారికి నజరానా అందజేస్తామని భారత వైమానిక దళం ప్రకటించింది. విమాన ఆచూకీ తెలిపితే రూ.5 లక్షల నగదు బహుమతి అందజేస్తామని అధికారులు తెలిపారు. ఆరు రోజులుగా విమానం కోసం ఎంత వెతికినా దాని ఆనవాళ్లు కూడా లభ్యం కాలేదు. ఈ నెల 3వ తేదీన మధ్యాహ్నం గాల్లోకి ఎగిరిన విమానం.. అరగంటలోపే […]
వారం క్రితం గల్లంతైన భారత వైమానిక దళానికి చెందిన ఏఎన్ -32 విమాన ఆచూకీ ఇంకా లభ్యం కాలేదు. దీంతో విమాన జాడ తెలియజేసిన వారికి నజరానా అందజేస్తామని భారత వైమానిక దళం ప్రకటించింది. విమాన ఆచూకీ తెలిపితే రూ.5 లక్షల నగదు బహుమతి అందజేస్తామని అధికారులు తెలిపారు.
ఆరు రోజులుగా విమానం కోసం ఎంత వెతికినా దాని ఆనవాళ్లు కూడా లభ్యం కాలేదు. ఈ నెల 3వ తేదీన మధ్యాహ్నం గాల్లోకి ఎగిరిన విమానం.. అరగంటలోపే మిస్సైంది. విమానంలో మొత్తం 13 మంది ఉన్నారు. వారంతా ప్రాణాలతో ఉన్నారో.. లేదో తెలియడంలేదు. రాత్రింబవళ్లు గాలింపు చర్యలు చేపట్టినా.. ఆచూకీ మాత్రం అంతు చిక్కలేదు. ఈ నేపథ్యంలోనే ఐఏఎఫ్ అధికారులు నగదు బహుమతి ప్రకటించారు.
ఏఎన్-32 విమాన ఆచూకీ.. తెలిపేందుకు వీలుగా 0378-3222164, 9436499477 / 9402077267 / 9402132477 ఫోన్ నెంబర్లను అందుబాటులోకి తెచ్చింది భారత వైమానిక దళం.