భార్య స్పైసీ వంట చెయ్యలేదని బాల్కనీ నుంచి దూకబోయిన భర్త..

గుజరాత్ అహ్మదాబాద్‌లోని చాంద్‌ఖేడాలో ఆశ్చర్యపరిచిన ఘటన ఇది. 'హర్మేష్ సుఖాడియా అనే వ్యక్తి నాకు సుఖం లేదు... నా భార్య నాకోసం స్పైసీ ఫుడ్ వండలేదు... ఇక నేను ఎందుకు బతకాలి అనుకుంటూ బాల్కనీ నుంచి కిందకు..

Updated on: May 17, 2020 | 12:32 PM

గుజరాత్ అహ్మదాబాద్‌లోని చాంద్‌ఖేడాలో ఓ ఆశ్చర్యపరిచిన ఘటన జరిగింది. ‘హర్మేష్ సుఖాడియా అనే వ్యక్తి.. నాకు సుఖం లేదు… నా భార్య నాకోసం స్పైసీ ఫుడ్ వండలేదు.. ఇక నేను ఎందుకు బతకాలి అనుకుంటూ.. బాల్కనీ నుంచి కిందకు దూకబోయాడు’. అసలేం జరిగిందంటే.. వాతావరణం చల్లగా ఉంది. నా కోసం స్పైసీ ఫుడ్ వండు… లాగించేస్తా అన్నాడు హర్మేష్. అప్పటికే పనుల్లో బిజీగా ఉన్న అతని భార్య.. ఇప్పుడు కుదరదు.. నేను ఏది వండితే అది తినండి.. నో ఆర్డర్స్ అని కాస్త చిరాగ్గా చెప్పింది. దీంతో ఆవేశంతో ఉగిపోతున్న అతను నేను నీకు బాగా లోకువైపోయాను. నేను లేకపోతేనే నీకు తెలిసొస్తుందంటూ.. బాల్కనీ ఎక్కి కిందకు దూకబోయాడు.

దీంతో ఇది చూసిన చుట్టుపక్కల వాళ్లు పరుగెత్తుకొచ్చారు. ఏవయ్యా హర్మేష్… ఏంటయ్యా ఈ పనులు. చావాల్సినంత కష్టం ఏమొచ్చింది. అనేసరికి.. అటు కిందకు దూకలేక… ఇటు పైకి ఎక్కలేక.. మధ్యలో వేలాడసాగాడు. అందరూ వచ్చి తలో చెయ్యీ వేసి.. అతని చేతుల్ని పట్టుకొని పైకి లాగి ప్రాణాలు కాపాడారు. ఈ విషయం పోలీసులకు ఎవరూ చెప్పలేదు. కాకపోతే… ఎవరో దీన్ని వీడియో తీసి… సోషల్ మీడియాలో పెట్టారు. అది కాస్తా వైరల్ అయ్యింది. దాంతో పోలీసులు విషయాన్ని స్పైసీగా తీసుకున్నారు. కేసు నమోదుచేసుకొని, దర్యాప్తు చేస్తామంటున్నారు.