Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

ఆర్టీసీని నడపడం అసాధ్యంః కేసీఆర్

CM KCR Review Meeting Updates, ఆర్టీసీని నడపడం అసాధ్యంః కేసీఆర్

ఆర్టీసీ సమ్మెపై సీఎం కేసీఆర్ అధ్యక్షతన ఏర్పాటైన ఉన్నత స్థాయి సమీక్షా సమావేశం ముగిసింది. ప్రస్తుత ఆర్టీసీ ఆర్ధిక పరిస్థితులు, కోర్టులో ఉన్న కేసులు, ఇతర అంశాలపై పూర్తి స్థాయిలో చర్చలు జరిగినట్లు తెలుస్తోంది. అంతేకాకుండా కార్మికులు మరోసారి సమ్మె బాట పట్టకుండా.. ఆర్టీసీ సమస్యకు శాశ్వత పరిష్కారం ఇవ్వాలని ప్రభుత్వం నిర్ణయించింది.

ఈ సందర్భంగా కేసీఆర్ మాట్లాడుతూ.. ఆర్టీసీకి ఇప్పటికే రూ.5 వేల కోట్ల అప్పులున్నాయన్నారు. అంతేకాక తక్షణం చెల్లించాల్సిన అప్పులు, బకాయిలు దాదాపు రూ.2 వేల కోట్లు ఉన్నాయన్నారు. అటు కార్మికులకు సెప్టెంబర్ నెల జీతాలు చెల్లించాలంటే రూ. 240 కోట్లు కావాలని.. పీఎఫ్ బకాయిల కింద నెలకు రూ.70 కోట్లు చెల్లించాల్సి ఉందన్నారు.

మరోవైపు సీసీఎస్‌కు రూ.500 కోట్లు ఇవ్వడమే కాకుండా.. డీజిల్ బకాయిలను కూడా చెల్లించాలని కేసీఆర్ తెలిపారు. కాలం చెల్లిన 2600 బస్సులను రీ-ప్లేస్ చేయాలన్నారు. ఇదంతా ఒక ఎత్తయితే.. మరో ఎత్తు ఆర్టీసీని నడపడం… ఇప్పుడున్న పరిస్థితుల్లో ఆర్టీసీని నడపాలంటే నెలకు రూ. 640 కోట్లు కావాల్సి ఉంటుంది. ఇక ఈ మొత్తం భారమంతా భరించే శక్తి  ఆర్టీసీకి లేదు.. ఆర్ధిక మాంద్యం కారణంగా ప్రభుత్వం కూడా భరించే పరిస్థితి లేదని సీఎం కేసీఆర్ వెల్లడించారు.

ఆర్టీసీ వీటన్నింటిని అధిగమించడానికి ప్రభుత్వం కొంతమేరకు సహాయం చేసినా.. పూర్తిగా వీటి నుంచి బయటపడాలంటే ఆర్టీసీకి ఉన్న ఒకే ఒక మార్గం బస్సు ఛార్జీలు పెంచడం.. ఒకవేళ అదే జరిగితే ప్రజలు బస్సులు ఎక్కని పరిస్థితి ఏర్పడుతుంది. ఇవన్నీ దృష్టిలో పెట్టుకుంటే.. గతంలో మాదిరిగానే ఇప్పుడు కూడా ఆర్టీసీని యధావిధిగా నడపడం అసాధ్యమని సీఎం తేల్చి చెప్పారు. కాగా, రూట్ల ప్రైవేటీకరణపై ఇవాళ హైకోర్టులో తీర్పు వచ్చే అవకాశం ఉండటం వల్ల.. తీర్పు అనంతరం మరోసారి అన్ని అంశాలపై చర్చించి తుది నిర్ణయం తీసుకుంటామని ఆయన తెలిపారు.

కాగా, ఇప్పటికే ఆర్టీసీ కార్మికులు హైకోర్టు తీర్పును గౌరవించి సమ్మెను విరమించారు. ప్రభుత్వం షరతులు విధించకుండా కార్మికులను తిరిగి విధుల్లోకి తీసుకోవాలంటూ జేఏసీ కన్వీనర్ అశ్వత్థామరెడ్డి కోరిన సంగతి విదితమే. ఈ తరుణంలో రూట్ల ప్రైవేటీకరణపై హైకోర్టులో వెలువడే తీర్పు తర్వాత కేసీఆర్ ఏ నిర్ణయం తీసుకుంటారనే దానిపై సర్వత్రా ఉత్కంఠ నెలకొంది.

 

Related Tags