Breaking News
  • ఏపీలో విద్యుత్‌ స్మార్ట్ మీటర్ల ఏర్పాటుకు కసరత్తు. ప్రీపెయిడ్‌ విధానాన్ని తీసుకురానున్న విద్యుత్‌ సంస్థలు. జూన్‌ నాటికి స్మార్ట్ మీటర్లు ఏర్పాటు చేసే యోచన.
  • సూర్యాపేట: మునగాల మండలం తాడ్వాయి స్టేజ్‌ దగ్గర బస్సు బోల్తా. డివైడర్‌ను ఢీకొని బోల్తాపడ్డ ప్రైవేట్‌ ట్రావెల్స్ బస్సు. ఐదుగురికి గాయాలు, ఆస్పత్రికి తరలింపు.
  • బయో ఏషియా సదస్సులో టాప్‌-5లో నిలిచిన ఆవిష్కరణ. బెస్ట్ స్టార్టప్‌ పోటీలో ఐఐటీ హైదరాబాద్‌కు ఐదో స్థానం. కామెర్ల చికిత్సకు ఎన్‌లైన్ పరికరాన్ని అభివృద్ధి చేసిన అంకుర సంస్థ.
  • ఆఫ్ఘనిస్తాన్‌లో యుద్ధ విరామం. నేటి నుంచి వారంపాటు యుద్ధ విరామం పాటించాలని.. తాలిబన్‌ తిరుగుబాటుదారులు, ఆఫ్ఘన్‌-అమెరికా సేనల నిర్ణయం.
  • యూఏఈ కోర్టుల ఉత్తర్వుల అమలుకు భారత్‌ అంగీకారం. గెజిట్‌ నోటిఫికేషన్‌ జారీ చేసిన కేంద్ర న్యాయశాఖ.

రాయుడు.. ఇక్కడకు రా.. మా దేశంలోనే ఉండిపో

Iceland cricket offer to Ambati Rayudu, రాయుడు.. ఇక్కడకు రా.. మా దేశంలోనే ఉండిపో

ఈ ప్రపంచకప్‌లో తెలుగు క్రికెటర్ అంబటి రాయుడుకు స్థానం లభిస్తుందని చాలా మందే భావించారు. అయితే కొన్ని కారణాల వలన రాయుడిని సెలక్టర్లు పక్కన పెట్టేశారు. ఇక ఇటీవల విజయ్ శంకర్ గాయంతో ఆటకు దూరం అవ్వడంతో.. అతడి స్థానంలోనైనా అంబటికి చోటిస్తారని అందరూ అనుకున్నారు. కానీ ఆ అవకాశం కూడా ఇవ్వకుండా బీసీసీఐ మయాంక్ అగర్వాల్‌ను ఎంపిక చేసింది. ఈ నేపథ్యంలో అతడికి ఓ దేశం బంపర్ ఆఫర్ ఇచ్చింది. మా దేశానికి వచ్చెయ్.. ఇక్కడే ఉండిపో అంటూ ఆ దేశ క్రికెట్ సంస్థ తెలిపింది.

‘‘రాయుడు 3డీ గ్లాసెస్‌ను ఇప్పుడైనా పక్కనపెట్టు. మామూలు అద్దాలతో డాక్యుమెంట్లు చదువు. వచ్చి మాతో చేరు. రాయుడంటే మాకెంతో ఇష్టం’’ అని ఐస్‌లాండ్ క్రికెట్ ట్వీట్ చేసింది. ఐల్యాండ్‌లో శాశ్వత నివాసం ఏర్పాటు చేసుకోవడం కోసం సమర్పించాల్సిన డాక్యుమెంట్ల వివరాలను కూడా దానికి జత చేసింది. అయితే ఐస్‌లాండ్ ఇచ్చిన ఈ ఆఫర్‌పై అంబటి రాయుడు ఇంకా స్పందించకపోగా.. నెటిజన్లు మాత్రం తమదైన శైలిలో కామెంట్లు చేస్తున్నారు. సెలక్టర్లకు గట్టి చెంపదెబ్బ తాకేలా ఐస్‌లాండ్ క్రికెట్ ఆఫర్ ఇచ్చిందని కొందరు.. ఈ ఆఫర్‌ను రాయుడు ఒప్పుకుంటే విదేశీ ఆటగాడు అవుతాడు కాబట్టి.. ఐపీఎల్ జట్టులో అతడి స్థానం ప్రశ్నార్థకం అవుతుందని మరికొందరు తమ కామెంట్లను పెట్టారు.

Related Tags