Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

ఆ దేశం ఒక యుద్ధ ప్రయోగశాల !

America making Afghanisthan a war zone by neglecting peace talks, ఆ దేశం ఒక యుద్ధ ప్రయోగశాల !

ప్రచ్ఛన్న యుద్ధ కలం నుంచి ఆ దేశం మధ్య ఆసియా ప్రాంతంలో అత్యంత కీలకం. దక్షిణాసియా దేశాలకు యూరోపా దేశాలకు మధ్య వారధి ఆ దేశం. కానీ ఇపుడు ఆ దేశం ఒక యుద్ధ ప్రయోగశాలగా మారిపోయింది. మారిపోయింది అనడం కంటే ఆలా మార్చారు అనడం బెటర్. ఎందుకంటే ప్రచ్ఛన్న యుద్ధ కలంలో యుద్ధోన్మాదంతో రంకెలేసిన అగ్ర రాజ్యం ఇపుడు పైకి శాంతి ప్రవచనాలను వల్లిస్తూనే మరో వైపు తన మాట వినని దేశాలను, సంస్థలను దారిలోకి తెచ్చుకునేందుకు పరోక్ష యుద్ధాలను ప్రోత్సహిస్తూనే ఉంది. ఇందులో భాగంగానే ఇపుడు మధ్య ఆసియాలో అత్యంత కీలకమైన ఆఫ్ఘానిస్తాన్ ఒక యుద్ధ ప్రయోగశాలగా మారిపోయింది. తాలిబాన్లతో శాంతి చర్చలకు ససేమిరా అంటున్న అమెరికా అధ్యక్షుడు డోనాల్డ్ ట్రంప్… ఆఫ్ఘానిస్తాన్ ప్రభుత్వాన్ని ఇబ్బందుల్లోకి నెడుతున్నారు. దాంతో అసహనంతో ఊగిపోతున్న తాలిబన్లు రోజుకో చోట మారణకాండని కొనసాగిస్తున్నారు. కారు బాంబులతో రక్తపాతం సృష్టిస్తున్నారు. ఆత్మాహుతి దాడులతో జనం ప్రాణాల్ని హరిస్తూ, ప్రభుత్వ ఆస్తులను ధ్వంసం సృష్టిస్తున్నారు. ఫలితంగా రోజుకు సగటున 74 మంది ఆఫ్ఘన్ పౌరులు మృతువాత పడుతున్నారు. మొత్తంగా చూస్తే ఆఫ్ఘానిస్తాన్ దేశం అమెరికా కు ఒక యుద్ధ ప్రయోగశాల గా మారిపోయింది. ఇంత జరుగుతున్నా ఆ దేశంలో శాంతి స్థాపనకు అమెరికా అధ్యక్షుడు చొరవ చూపింది లేదు సరికదా చర్చలు జరిపేది లేదంటూ మాటల మంటలతో తాలిబన్లను రెచ్చగొడుతున్నారు. అమెరికా వైఖరి ఆఫ్ఘన్ సర్కారుకు అసహనం తెప్పిస్తుండగా తాలిబన్లను ఆగ్రహానికి గురిచేస్తోంది. ఈ వైఖరి మారక పోతే ఆఫ్ఘానిస్తాన్ లో జనం భవిష్యత్తుపై ఆశ లేక ఉగ్రవాదం వైపు మొగ్గుచూపి రక్తపాతం మరింత పెరిగిపోయే ప్రమాదం ఉందని విశ్లేషకులు అంచనా వేస్తున్నారు. దక్షిణ, మధ్య ఆసియా దేశాల పట్ల అమెరికా వైఖరి మారకపోతే ఆసియా దేశాలలో అశాంతి చెలరేగే అవకాశాలు మెండుగా కనిపిస్తున్నాయి.