రీఎంట్రీకి సిద్ధమైన రేణు దేశాయ్!

రేణు దేశాయ్ గురించి ప్రత్యేక పరిచయాలు అవసరం లేదు. టాలీవుడ్ హీరో పవర్ స్టార్ పవన్ కళ్యాణ్‌ భార్యగా ఆమె అందరికీ సుపరిచితురాలే.  ప్రస్తుతం ఆమె సిల్వర్‌ స్క్రీన్‌పైకి రీఎంట్రీ ఇవ్వబోతోందట. ఈ విషయం స్వయంగా ఆమెనే చెప్పింది. ‘బద్రీ’ సినిమాతో టాలీవుడ్‌కి పరిచయమైన రేణు.. ఆ సినిమా ప్రయాణంలోనే పవన్‌ను ప్రేమించి పెళ్లి చేసుకున్నారు. అనంతరం కొన్ని కారణాలతో ఇద్దరూ విడాకులు తీసుకున్నారు. ఆ తర్వాత పవన్ రాజకీయాల్లోకి ఎంట్రీ ఇచ్చారు. అప్పుడు కూడా ఆమె పవన్‌కు సపోర్ట్‌గానే నిలిచారు.

తాజాగా రేణు.. ‘చూసీ చూడంగానే’ సినిమా ప్రీ రిలీజ్ వేడుక సందర్భంగా ఆమె కొన్ని ఆసక్తికరమైన విషయాలను వెల్లడించారు. ఇండస్ట్రీలోకి ఉమెన్ టెక్నీషియన్స్ ఎక్కువ మంది రావాలని కోరుకుంటున్నా. ఫీమేల్ డైరెక్టర్.. మేల్ డైరెక్టర్ అనే బేధం పోయి డైరెక్టర్ అని మాత్రమే మాట్లాడుకోవాలన్నారు. ఏ మహిళా టెక్నీషియన్‌ అయినా సంతోషంగా పని చేసుకునేలా ఉండాలన్నారు.

కాగా.. నిజానికి ‘చూసీ చూడంగానే’ సినిమాలో నేను నటించాల్సి ఉంది. కానీ కొన్ని అనారోగ్య కారణాలతోనే ఆ సినిమాను వదులుకున్నట్లు స్వయంగా ఆమెనే చెప్పింది. అలాగే మరో మంచి సినిమా కథ దొరికితే ఖచ్చితంగా చేస్తాను అంటూ ఆమె వ్యాఖ్యానించారు. దీని బట్టి చూస్తుంటే.. త్వరలోనే రేణు దేశాయ్ రీఎంట్రీ ఖాయమనిపిస్తుంది.