పెళ్లి లేదు..ఏం లేదు..పని చూస్కోండి!

హైదరాబాద్‌: సౌత్ అందాల హీరోయిన్ రెజీనా పెళ్లి చేసుకోబోతోంది? సైలెంట్‌గా ఎంగేజ్‌మెంట్ కూడా చేసుకుంది. ఇవే రూమర్స్ మొన్నటివరకు సోషల్ మీడియాని ఒక ఊపు ఊపేశాయి. ఇంతలా పుకార్లు పాస్ అవుతున్నా రెజీనా నోరు మెదపకపోవడం వాటికి మరింత బలం చేకూర్చింది.

తాజాగా ఈ వార్తలపై రెజీనా మేనేజర్‌ స్పందించారు. ఇవన్నీ కేవలం రూమర్స్ మాత్రమేని కొట్టిపారేశారు. ‘ఇలాంటి వదంతులు ఎక్కడి నుంచీ వస్తాయో మాకు అర్థం కావడం లేదు. రెజీనాకు తెలుగు, తమిళ సినిమాల్లో చాలా ఆఫర్లు వస్తున్నాయి. ఆమె స్క్రిప్టులు వింటున్నారు. వాటిలో నటించబోతున్నారు’ అని ఆయన అన్నారు.

రెజీనా ప్రధాన పాత్రలో నటించిన ‘సెవెన్‌’ సినిమా ఇటీవల విడుదలైంది. ప్రస్తుతం ఆమె ‘నెన్‌జమ్‌ మరప్పతిలై’, ‘పార్టీ’, ‘కల్లపార్ట్‌’ అనే తమిళ చిత్రాల్లో నటిస్తున్నారు. ‘ఎవరు’ అనే తెలుగు సినిమాలోనూ లీడ్ రోల్ పోషించనున్నారు.