Chandini Chowdary : స్టేజ్ పైనే కన్నీరు పెట్టుకున్న హీరోయిన్ చాందిని చౌదరి.. కారణం ఇదే
హీరో నవీన్ చంద్ర, చాందిని చౌదరి, అజయ్ రాకేందు మౌళి ప్రధాన పాత్రల్లో నటించిన సినిమా ‘సూపర్ ఓవర్’. ఈ మూవీ ప్రముఖ ఓటీటీ వేదిక ‘ఆహా’లో జనవరి 22న విడుదల కానుంది...
Chandini Chowdary : హీరో నవీన్ చంద్ర, చాందిని చౌదరి, అజయ్ రాకేందు మౌళి ప్రధాన పాత్రల్లో నటించిన సినిమా ‘సూపర్ ఓవర్’. ఈ మూవీ ప్రముఖ ఓటీటీ వేదిక ‘ఆహా’లో జనవరి 22న విడుదల కానుంది. క్రికెట్ బెట్టింగ్ల ఆధారంగా ఈ చిత్రం తెరకెక్కించారు. ఇటీవల ఈ మూవీ ట్రైలర్ను అక్కినేని నాగచైతన్య సోషల్ మీడియాలో విడుదల చేసారు. తాజాగా నిర్వహించిన ఈ మూవీ ఈవెంట్లో హీరోయిన్ చాందిని చౌదరి మాట్లాడుతూ కన్నీటి పర్యంతం అయ్యారు.
ఈ మూవీని తెరకెక్కిస్తున్న సమయంలోనే చిత్ర దర్శకుడు ప్రవీణ్ మృతిచెందారు. షూటింగ్ జరుగుతున్న సమయంలోనే ఓ రోడ్డు ప్రమాదంలో ప్రవీణ్ మరణించారు. చిత్రం మధ్యలోనే దర్శకుడు మరణించడంతో చిత్రయూనిట్ విషాదంలో మునిగిపోయింది. ఆతర్వాత దర్శకుడి కలను నిజం చేయడానికి చిత్రయూనిట్ సినిమాను పూర్తి చేసింది. ఈ సందర్భంగా దర్శకుడిని తలుచుకుని చాందినీ ఎమోషనల్ అయ్యింది. ఈ చిత్రాన్ని బాగా తీశాడని ఇది అందరికీ ఖచ్చితంగా నచ్చుతుందని అన్నారు. ఈ మూవీ ప్రవీణ్ కు అంకితమని చెబుతూ చాందినీ స్టేజ్ మీద కన్నీళ్లు పెట్టుకుంది.
మరిన్ని ఇక్కడ చదవండి :
తెరపైకి మరో క్రేజీ కాంబో.. ప్రభాస్‌ను ఢీ కొట్టబోతున్న సేతుపతి.? నిజమైతే ఫ్యాన్స్‌కు పూనకాలే..
