Breaking News
  • విజయవాడ: ఎపీఎస్ ఆర్టీసీలో కరోనా కలవరం. ఇప్పటి వరకు కరోనా బారిన పడ్డ 4500 మంది ఆర్టీసీ సిబ్బంది. కరోనా కారణంగా 72 మంది మరణించినట్లు తెలిపిన ఆర్టీసీ. కరోనా తో మృతి చెందిన కుటుంబాలకు 5లక్షల పరిహారం ఇవ్వాలని ఆర్టీసీ నిర్ణయం. కార్మికుల ఒక రోజు వేతనాన్ని జమ చేసి మృతులకుటుంబాలకు పరిహారం ఇవ్వాలని నిర్ణయం. త్వరలో రవాణాశాఖ మంత్రి చేతుల మీదుగా చెక్కుల పంపిణీ చేస్తాం. ఆర్టీసీ ఎండీ కృష్ణబాబు.
  • ఎస్పీ బాలసుబ్రహ్మణ్యంకు పెరుగుతున్న భారతరత్న డిమాండ్లు. రాష్ట్రపతి, ప్రధానికి లేఖ రాసిన నటి, మాజీ ఎంపీ జయప్రద. భారతరత్న బాలుకి ఇచ్చే ఘనమైన నివాళి అని పేర్కొన్న జయప్రద. సినీ సంగీతానికి, భారత చలనచిత్ర పరిశ్రమకు బాలు ఎనలేని సేవలు చేశారని లేఖలో పేర్కొన్న జయప్రద.
  • నిజామాబాద్ ఎమ్మెల్సీ ఉపఎన్నికలలో భారీ మెజారిటీయే లక్ష్యం... టీఆర్ఎస్ నేతల పకడ్బందీ వ్యూహం. జిల్లా ఎమ్మెల్యేలు, ఎమ్మెల్సీ లతో మంత్రి ప్రశాంత్ రెడ్డి వరుస సమావేశాలు..నియోజకవర్గాల వారీగా నేతలకు భాద్యతలు. మాజీ ఎంపీ కవిత అభ్యర్థిత్వానికి ‌మద్దతుగా, టీఆర్ఎస్ వైపు నిలుస్తున్న కాంగ్రెస్, బీజేపీ ల స్థానిక ప్రజాప్రతినిధులు. పోలింగ్ ‌నాటికి 90% ఓటర్లు టీఆర్ఎస్ వైపు ఉండే అవకాశం.
  • బయటపడుతున్న ఎస్బీ సిఐ చంద్రకుమార్ అరాచకాలు. లైంగిక వేదింపులు జరిపిన సిఐ చంద్రకుమార్ పై చర్యలు తీసుకోవట్లేదని బాధితురాలు అవేదన. సర్టిఫికెట్ మిస్సింగ్ కేసులో సిఐకి పరిచయమైన మహిళ . సాయం అడిగిన మహిళతో అసభ్యంగా ప్రవర్తించిన సిఐ చంద్రకుమార్. వనస్థలిపురం పిఎస్ లో సిఐ చంద్రకుమార్ పై కేసు. నగ్నంగా ఉన్న వీడియోలు మహిలకు పంపి సిఐ వేదిస్తున్నాడని మహిళ పిర్యాదు. సిఐ పై కఠిన చర్యలు తీసుకోవట్లేదని మహిళ పలు సాక్షాలు మీడియాకు విడుదల.
  • చెన్నై : చెన్నై మహానగరం లో కిలోల్లో దొరికిన డ్రగ్స్ . చెన్నై రైల్వే స్టేషన్ సమీపం లో ఉన్న వాల్ టాక్స్ రోడ్ లో 25 కిలోల మాదక ద్రవ్యాలను పట్టుకున్న డిఆర్ఐ అధికారులు తమిళనాడు , కేరళ , రాష్ట్రం లోఉన్న డ్రగ్స్ గ్యాంగ్ యూరోపియన్ దేశాలనుండి అక్రమంగా డ్రగ్స్ దిగుమతిని గుర్తించిన అధికారులు . అధికారులకు ఉన్న సమాచారం తో తనిఖీలు నిర్వహించగా 25 కిలోల ( పేశాడో ) డ్రగ్స్ ని స్వాధీనం చేసుకున్న అధికారులు. చెన్నై నుండి ఎర్నాకులం కి పార్సెల్ ద్వారా సరఫరా చేస్తునట్టు గుర్తింపు. డ్రగ్స్ ని స్వాధీనం చేసుకొని విచారణ చేపట్టిన డిఆర్ఐ అధికారులు.
  • ఫారెన్ ఇంగ్లీష్ యూనివర్సిటీ వి సి పేరుతో నకిలీ ఈ మెయిల్ ఐడి క్రియేట్ చేసిన సైబర్ నేరగాళ్లు. యూనివర్సిటీ లో పనిచేస్తున్న ఉద్యోగులకు తాను మీటింగ్ లో ఉన్నానని.. అర్జెంటుగా అమెజాన్ కుపన్స్ కొనాలని మెయిల్ పంపించిన సైబర్ నేరగాళ్లు. అలర్ట్ అయిన ఉద్యోగులు వీసీ సురేష్ కుమార్ కు సమాచారం ఇవ్వడంతో.. తాను అట్లాంటిది ఏమీ పంపించలేదని చెప్పిన విసి. హైదరాబాద్ సిసిఎస్ సైబర్ క్రైమ్ పోలీసులకు ఫిర్యాదు చేసిన ఉద్యోగి.. కేసు నమోదు చేసుకొని దర్యాప్తు చేస్తున్న పోలీసులు.
  • ఉపరాష్ట్రపతి వెంకయ్య నాయుడుకు కరోనా పాజిటివ్. ట్విటర్ ద్వారా వెల్లడించిన ఉపరాష్ట్రపతి కార్యాలయం. రొటీన్‌గా నిర్వహించే పరీక్షల్లో కరోనా పాజిటివ్‌గా నిర్ధారణ. ఎలాంటి లక్షణాలు లేవని, హోం ఐసోలేషన్లో ఉన్నారని వెల్లడి. ఆయన భార్య ఉష పరీక్ష ఫలితం నెగెటివ్. ముందుజాగ్రత్తలో స్వీయ ఐసోలేషన్లో ఉన్నట్లు వెల్లడి.

బీరుట్ పేలుడుకు అదే కారణమా..?

భారీ పేలుళ్ల ధాటికి కకావికలమైన అందాల లెబనాన్‌ నగరం.. ఎక్కడ చూసినా కూలిన భవనాలు.. విరిగిపోయిన తలుపులు.. పగిలిపోయిన అద్దాలే కనిపిస్తున్నాయి. మంగళవారం దేశ రాజధాని నగరం బీరుట్‌ నౌకాశ్రయంలో జరిగిన భారీ పేలుడుతో వందలాది మంది మృత్యు ఒడికి చేరుకున్నారు. దాదాపు 3 లక్షల మంది పౌరులు నిరాశ్రయులయ్యారు. వేలాది మంది ఆసుపత్రుల వద్ద చికిత్స కోసం బారులు తీరారు. ఇప్పటికే కోవిడ్‌ వ్యాపించడంతో.. ఈ పేలుడు బాధితులకు పడకలు కరవైపోయాయి.

A Russian Ship's Cargo Of Dangerous Ammonium Nitrate Was Stranded In Beirut Port For Years, బీరుట్ పేలుడుకు అదే కారణమా..?

భారీ పేలుళ్ల ధాటికి కకావికలమైన అందాల లెబనాన్‌ నగరం.. ఎక్కడ చూసినా కూలిన భవనాలు.. విరిగిపోయిన తలుపులు.. పగిలిపోయిన అద్దాలే కనిపిస్తున్నాయి. మంగళవారం దేశ రాజధాని నగరం బీరుట్‌ నౌకాశ్రయంలో జరిగిన భారీ పేలుడుతో వందలాది మంది మృత్యు ఒడికి చేరుకున్నారు. దాదాపు 3 లక్షల మంది పౌరులు నిరాశ్రయులయ్యారు. వేలాది మంది ఆసుపత్రుల వద్ద చికిత్స కోసం బారులు తీరారు. ఇప్పటికే కోవిడ్‌ వ్యాపించడంతో.. ఈ పేలుడు బాధితులకు పడకలు కరవైపోయాయి.

ఇప్పటి విపత్కర పరిస్థితికి కారణం రష్యాకు చెందిన ఒక షిప్. ప్రమాదకరమైన అమ్మోనియం నైట్రేట్ సరుకుతో బీరుట్ నౌకాశ్రయంలో కొన్నేళ్లుగా చిక్కుకుంది. అమ్మోనియం నైట్రేట్‌ పేలుడు పదార్థం కావడంతో దాని రవాణాకు అనుమతులు.. పత్రాలు తప్పనిసరి. సైప్రస్‌లో నివసించే రష్యా వ్యాపారవేత్త ఆధీనంలోని ఎం.వి. రోహ్‌సస్‌ అనే నౌక జార్జియా నుంచి మోజాంబిక్‌కు బయల్దేరింది. మార్గమధ్యంలో బీరుట్‌ సమీపంలో నౌక ఇంజిన్‌ చెడిపోయింది. దీంతో బలవంతంగా దాన్ని బీరుట్‌ నౌకాశ్రయానికి చేర్చారు. అయితే, ఎటువంటి అనుమతి పత్రాలు లేకుండానే నిషేధిత ఈ నౌక బీరుట్ తీరానికి వచ్చినట్లు అధికారులు గుర్తించారు. సిబ్బందిలో నలుగురు ఉక్రెయిన్‌కు, ఒకరు రష్యాకు చెందినవారు ఉన్నట్లు అధికారులు తెలిపారు. వివిధ రకాల వివాదాల తర్వాత వారిని విడుదల చేశారు. కొన్నాళ్లకే నౌక యజమాని దివాలా తీయడంతో నౌకను బీరుట్‌ పోర్టులో వదిలేసి వెళ్లినట్లు తెలుస్తోంది. ఈ నౌకపై న్యాయ వివాదాలు మొదలు కావడంతో అందులోనే ఏళ్లపాటు 2,750 టన్నుల అమ్మోనియం నైట్రేట్‌ ఉంచడం అతి అత్యంత ప్రమాదకరమని భావించి దానిని పోర్టులోని హ్యాంగర్‌ 12లో భద్రపర్చారు. ఆ తర్వాత 2018లో అమ్మోనియం నైట్రేట్‌ను వదిలేసి షిప్‌ పోర్టు నుంచి అదృశ్యమైపోయింది.

ఈ నౌకలో పట్టుకొన్న అమ్మోనియం నైట్రేట్‌ బ్రెజిల్‌లోని ఆర్కాస్‌ నైట్రో ప్రిల్‌ సంస్థ చేసిన ‘నైట్రోప్రిల్‌ హెచ్‌డీ’ రకంగా లెబనాన్ దర్యాప్తు బృందం భావిస్తోంది. ఈ గోదాము తెరిచినప్పటి పాత చిత్రాల్లో కనిపించిన సంచులపై ఈ కంపెనీ పేరు ఉంది. ఈ సంస్థ క్వారీల్లోకి పేలుడు పదార్థాలను సరఫరా చేస్తుంది. ఈ సంస్థ చేసే పేలుడు పదార్థం అత్యధికంగా 400 మెట్రిక్‌ టన్నులు మాత్రమే నిల్వచేయాలని రక్షణరంగ నిపుణులు చెబుతున్నారు. ఉగ్రవాద కార్యకలాపాలు ఎక్కువగా ఉన్న లెబనాన్ దేశంలో ఒకేచోట 2,750 టన్నుల అమ్మోనియం నైట్రేట్‌ను ఉంచడంపై అనేక సందేహాలు కలుగుతున్నాయి. మరోవైపు, అంత భారీ మొత్తంలో అమ్మోనియం నైట్రేట్ స్వాధీనం చేసుకొంటే వచ్చే నగదు బహుమతికి ఆశపడి అధికారులు దానిని పోర్టులో నిల్వచేశారా..? అని లెబనాన్‌ జర్నలిస్టులే ప్రభుత్వాన్ని ప్రశ్నిస్తున్నారు. లెబనాన్‌ ప్రభుత్వంలో నెలకొన్న అవినీతి, నిర్లక్ష్యం వెరసి లక్షలాది ప్రజల ప్రాణాల మీదికి తెచ్చింది. ః

పేలుడు తీవ్రత అణుబాంబును తలపించిందని ప్రత్యక్ష సాక్షులు చెబుతున్నారు. ఈ చప్పుడు 200 కిలోమీటర్ల దూరంలోని సైప్రస్‌ వరకు వినిపించింది. 9 కిలోమీటర్ల దూరంలోని విమానాశ్రయ అద్దాలు పగిలిపోయాయి. భూకంప లేఖినిపై దీని తీవ్ర 3.3గా నమోదైంది. అంటే ఇది చిన్నపాటి భూకంపంతో సమానమని నిపుణులు చెబుతున్నారు. ఇది హిరోషిమాపై వేసిన అణుబాంబులో ఐదోవంతు శక్తికి సమానమని అంగ్ల పత్రిక ‘ది సన్‌’ పేర్కొంది. పేలుడు తర్వాత అణు విస్ఫోటంలా పొగలు సుడులు తిరుగుతూ మేఘాన్ని కమ్మేయడం కూడా వీడియోల్లో స్పష్టంగా కనిపించింది. పేలుడు తీవ్రతకు ఈ ఓడరేవు వద్ద ఉన్న మూడు నౌకలు మునిగిపోయాయి.

ఇప్పటికే ఆర్థిక సమస్యలతో సతమతమవుతున్న లెబనాన్ దేశానికి పేలుడు ఘటన పెద్దగా భావిస్తున్నారు ఆర్థిక నిపుణులు. ఈ పేలుళ్ల ధాటికి దాదాపు 15 బిలియన్‌ డాలర్ల నష్టం వాటిల్లునట్లు అంచనా వేస్తున్నారు. దాదాపు పదేళ్ల నుంచి లెబనాన్‌కు భారీగా వలసలు వస్తున్నారు. పొరగునున్న సిరియాలో అంతర్యుద్ధం కారణంగా అక్కడి నుంచి పెద్దసంఖ్యలో లెబనాన్‌కు చేరుకొంటున్నారు. దీనికి తోడు లెబనాన్‌ వాసులే రోజువారీ ఆహారం కోసం అవస్థలు పడాల్సిన దుస్థితి నెలకొంది. దీనికి తోడు కరోనా వైరస్ కూడా తోడవ్వడంతో ఆ దేశాన్ని మరింత సంక్షోభానికి నెట్టేసింది నిపుణులు భావిస్తున్నారు. ఇక ఆహార పదార్థాల ధరలు 247శాతం మేర పెరిగినట్లు అంచనా. ఇప్పుడు అక్కడ మిగిలి ఉన్న ఆహార గోదాములు పూర్తిగా ధ్వంసమైపోయాయి. ఈ గాయం నుంచి కోలుకోవడానికి బీరుట్‌కు కొన్ని దశాబ్దాలు పట్టవచ్చని ఆర్థిక నిపుణులు అంచనా వేస్తున్నారు.

Related Tags