ఓ ప్రేమజంట ఉరేసుకుని ఆత్మహత్య

కలిసి బతకలేము.. బతకనివ్వరు అనుకున్నారో ఏమో.. కానీ ఓ ప్రేమజంట ఆత్మహత్యకు పాల్పడింది. మెదక్ జిల్లా ఝాన్సీ లింగాపూర్ లో ప్రేమజంట ఆత్మహత్య చేసుకుంది. బాలేష్, ప్రవీణ కొంతకాలంగా ప్రేమించుకుంటున్నారు. తమ ప్రేమ విషయం ఇంట్లో తెలియడంతో వీరిద్దరూ ఆత్మహత్యకు పాల్పడినట్లు స్థానికులు చెబుతున్నారు. రెండు రోజుల క్రితం బాలేష్ తన ప్రేమ విషయాన్ని తల్లిదండ్రులకు చెప్పగా.. వారు మండిపడ్డారు. ఇక ఇంటి నుంచి పారిపోయిన ఇద్దరూ ఝన్సీ లింగాపూర్ సమీపంలో అటవీ ప్రాంతానికి వెళ్లారు. అక్కడ చెట్టుకు ఉరివేసుకుని చనిపోయారు. ఇద్దరి మతాలు వేరు కావడంతో పెద్దలు పెళ్లికి ఒప్పుకోరనే మనస్థాపంతో బాలేప్, ప్రవీణ ఆత్మహత్య చేసుకున్నారు. పొలీసులు ఘటనాస్థలాన్ని పరిశీలించి.. కేసు నమోదు చేశారు.