Breaking News
  • హైదరాబాద్ జాయింట్ కమిషనర్ అవినాష్ మహంతి. 139 మంది తనపై అత్యాచారం చేశారని ఆగస్టు 20 న పంజాగుట్ట పీఎస్ లో పిర్యాదు చేసిన.. కేసు సైబర్ క్రైమ్ కు ట్రాన్స్ఫర్ అయ్యింది. ప్రత్యేక దర్యాప్తు కోసం ఈ కేసు సీసీఎస్ కు బదిలీ అయింది. ఈ కేసులో ఆరోపణలు ఎదుర్కున్న కొంత మందిని ఇప్పటికే విచారించాము. ఈ కేసులో ప్రధాన నిందితుడు రాజ్ శేకర్ అలియాస్ డాలర్ బాయ్ ని అరెస్ట్ చేసాము. ఈ కేసు పూర్తి స్థాయిలో విచారణ జరుపుతున్నాము. ఈ కేసులో ప్రమేయం ఉన్న వారి పై చట్టరీత్యా చర్యలు తీసుకుంటాం. ఈ కేసును మహిళా ఏసీపి స్థాయి అధికారులతో విచారణ జరుపుతున్నాము.. అన్ని కోణాల్లో దర్యాప్తు కొనసాగుతోంది. బాధిత మహిళ నుండి ఇప్పటికే స్టేట్మెంట్ రికార్డ్ చేశాము. ఈ కేసును టెక్నికల్ అనాలసిస్ ద్వారా దర్యాప్తు చేశాము.
  • మహబూబాబాద్ జిల్లా: దీక్షిత్ రెడ్డి హత్య పై జిల్లా ఎస్పీ కోటిరెడ్డి మీడియా సమావేశం. బాలుడ్ని కిడ్నాప్ చేసి కిరాతకంగా చంపి హైటెక్ పద్దతిలో టెక్నాలజీ ఉపయోగించి డబ్బులు డిమాండ్ చేసిన అఘాంతకుడు మంద సాగర్ ను అరెస్ట్ , సెల్ ఫోన్ స్వాధీనం. ఈ నెల 18 సాయంత్రం 5.30 గంటల సమయంలో నేరస్థుడు పధకం ప్రకారం AP36 Q8108 ఫేక్ నెంబర్ బైక్ పై దీక్షిత్ ను తీసుకెళ్లిన హంతకుడు. సీసీ కెమెరాల కు దొరకకుండా దనమయ్య గుట్ట దగ్గర తీసుకెళ్లిన అఘాంతకుడు. దీక్షిత్ ఏడవడం మొదలు పెట్టిన్నప్పుడు దీక్షిత్ కు మత్తు టాబ్లెట్ ఇచ్చి కర్చీఫ్ తో చేతులు కట్టి దీక్షిత్ టీ షర్ట్ తో మెడకు ఉరి బిగించి చంపిన దుండగుడు. ఘటన జరిగిన స్థలం నుండి దీక్షిత్ తల్లికిఫోన్ చేసి 45 లక్షలు ఇవ్వాలని డిమాండ్. మంద సాగర్ ఒక్కడు మాత్రమే ఈ హత్యలో పాల్గోనాడు, మిగత వారికి ఎలాంటి సంభందం లేదు.
  • బీట్స్ ఆఫ్‌ రాధేశ్యామ్‌ విడుదల. ప్రభాస్‌ పుట్టినరోజు సందర్భంగా బీట్స్ ఆఫ్‌ రాధేశ్యామ్‌ని విడుదల చేసిన టీమ్‌. విజువల్‌ వండర్‌గా బీట్స్ ఆఫ్ రాధేశ్యామ్‌. ప్రతి షాటూ అద్భుతంగా ఉందంటూ ప్రశంసల జల్లు. ఎక్కువగా విజువల్ ఎఫెక్ట్స్ మీద ఆధారపడ్డ రాధేశ్యామ్‌ టీమ్‌. కృష్ణంరాజు సమర్పిస్తున్న సినిమా రాధేశ్యామ్‌. రాధాకృష్ణకుమార్‌ డైరక్టర్‌, యువీ క్రియేషన్స్ నిర్మాణం. జస్టిన్‌ ప్రభాకరన్‌ బీట్స్ అదుర్స్ అంటున్న ఫ్యాన్స్. బీట్స్ ఆఫ్‌ రాధేశ్యామ్‌లో మూడు మతాలను పోట్రెయిట్‌ చేసిన టీమ్.
  • ఇంద్రకీలాద్రి: దసరా ఉత్సవాల ఆఖరి రోజు కృష్ణానది లో దుర్గమ్మ నదీ విహారంపై నెలకొన్న సందిగ్ధత . కృష్ణా నదిలో వరద ప్రవాహం కొనసాగుతుండడం తో ఈ నెల 25 న తెప్పోత్సవం నిర్వహించాలా లేదా అనే దానిపై డైలమాలో దుర్గగుడి అధికారులు. ప్రస్తుతం ప్రకాశం బ్యారేజి వద్ద కొనసాగుతున్న 3 లక్షల 77 వేల క్యూసెక్కుల ఔట్ ఫ్లో . తెప్పోత్సవం కు మరో రెండు రోజులు మాత్రమే సమయం . కృష్ణా నది లో వరద ఉధ్రుతి తగ్గితేనే తెప్పోత్సవానికి అనుమతులిస్తామంటున్న ఇరిగేషన్ శాఖ అధికారులు. ఇప్పటికే హంస వాహనాన్ని సిద్దం చేస్తున్న దుర్గగుడి అధికారులు . ఈ నెల 25 ఉత్సవాల అఖరి రోజైన ఆదివారం కృష్ణానది లో వరద ఉధ్రుతి కొనసాగితే తెప్పోత్సవాన్ని ఎలా నిర్వహించాలనే దానిపై తర్జన బర్జన పడుతున్న అధికారులు.
  • నగరంలోని వరద ముంపు ప్రాంతాల్లో రెండు రోజు పర్యటిస్తున్న కేంద్ర బృందం. కేంద్ర హోం శాఖ సంయుక్త కార్యదర్శి ప్రవీణ్ వశిష్ఠ నాయకత్వం లో, కేంద్ర జలవనరుల విభాగం సూపరింటెండెంట్ ఇంజనీర్ ఎం రఘురామ్, కేంద్ర రోడ్ ట్రాన్స్పోర్ట్ విభాగం సూపరింటెండెంట్ ఇంజనీర్ ఎస్ కె కుష్వారా లు నగరంలో పర్యటిస్తున్నారు. నాగోల్, బండ్లగూడ చెరువుల నుండి ఓవర్ ఫ్లో అయి నాలాలులోకి వస్తున్న, వరద నీరు, వరద ముంపుతో జరిగిన నష్టం గురించి అధికారులు, స్థానిక ప్రజల నుండి వివరాలు తెలుసుకున్నారు. ఎల్బీ నగర్ జోన్ హయత్ నగర్ సర్కిల్ నాగోల్ రాజరాజేశ్వరి కాలనీ లో ముంపుకు గురైన ప్రాంతాలను పరిశీలించిన లించిన కేంద్రబృందం.
  • రవాణాశాఖ ప్రిన్సిపాల్ సెక్రెటరి సునీల్ శర్మ తో భేటి tsrtc అధికారులు . రోడ్స్ అండ్ ట్రాన్స్పోర్ట్ భవనం లో మొదలయిన సమావేశం. సమావేశం లో పాల్గొన్న తెలంగాణ రవాణాశాఖ ఆపేరేషన్స్ ఈ.డి లు . ఈరోజు అంతరాష్ట్ర బస్సు సర్వుసుల ఒప్పందంపై తుది నిర్ణయం తీసుకునే అవకాశం.

యాడ్స్ యాప్ ముసుగులో మోసం.. గుట్టురట్టు చేసిన చిన్నారి

. తమ నైపుణ్యంతో ప్రపంచాన్ని కాపాడతారు కూడా. చెక్ రిపబ్లిక్‌లోని ప్రేగ్‌లోని ఒక చిన్న అమ్మాయి నిరూపించింది ఇదే. భద్రతా పరిశోధకులే నివ్వెరపోయేలా మాల్‌వేర్ గుర్తించి, కోట్లను దోచేసిన కేటుగాళ్లను పట్టించింది.

a little girl helped Google remove scam apps making around Rs 4 crore by targeting kids, యాడ్స్ యాప్ ముసుగులో మోసం.. గుట్టురట్టు చేసిన చిన్నారి

మహిళలు అన్ని రంగాల్లో అణిముత్యాల్లా నిలుస్తున్నారు. అవకాశంలో సగం ఆకాశంలో సగం అన్నట్లు వేగంగా పురుషుల్లో సమానంగా రాణిస్తున్నారు. వారు ప్రపంచాన్ని సృష్టించడమే కాదు.. తమ నైపుణ్యంతో ప్రపంచాన్ని కాపాడతారు కూడా. చెక్ రిపబ్లిక్‌లోని ప్రేగ్‌లోని ఒక చిన్న అమ్మాయి నిరూపించింది ఇదే. భద్రతా పరిశోధకులే నివ్వెరపోయేలా మాల్‌వేర్ గుర్తించి, కోట్లను దోచేసిన కేటుగాళ్లను పట్టించింది. దీంతో టెక్ సంస్థలు నష్టపోతున్న కోట్ల రూపాయల ఆదాయాన్ని కాపాడింది. గూగుల్ ప్లే స్టోర్, యాపిల్ యాప్ స్టోర్‌లోని యాప్స్ భద్రతపై ఎన్ని చర్యలు తీసుకుంటున్నా సైబర్ నేరగాళ్ల ముప్పు తప్పడం లేదు. పిల్లలను లక్ష్యంగా ఈ యాప్స్ ను క్రియేట్ చేస్తున్నారు. ఇప్పటికే 2.4 మిలియన్లకు పైగా వీటి ద్వారా డౌన్‌లోడ్ అయినట్టు పరిశోధకులు గుర్తించారు.

గూగుల్ ప్లేస్టోర్, యాపిల్ యాప్ స్టోర్లలో ఏడు నకిలీ యాప్స్‌ ద్వారా ఇప్పటివరకు 5 లక్షల డాలర్లను అంటే సుమారు రూ.3.7 కోట్లు దోచేశారు. ప్రధానంగా టిక్‌టాక్, ఇన్‌స్టాగ్రామ్, ఇతర సోషల్ మీడియా యాప్స్‌లో ఈ మోసపూరిత యాప్స్‌కు సంబంధించిన ప్రకటను ప్లే అవుతాయట. ఇవి సాధారణంగా ఎవరికీ కనిపించకుండా మాల్‌వేర్ ద్వారా లోప్రొఫైల్ మెయిన్‌టెయిన్ చేస్తాయి. ఈ యాప్స్ ద్వారా ఒక్కో యూజర్ ద్వారా దాదాపు 10 డాలర్ల వరకు ఆర్జిస్తున్నాయి. అయితే, టిక్‌టాక్‌లో ఇలాంటి యాడ్స్ చూసిన ఒక పాప ఈ విషయమై ఫిర్యాదు చేసింది. పిల్లలు ఆన్‌లైన్‌లో ఎలా సేఫ్‌గా ఉండాలో తెలిపే అవాస్ట్ ‘బీ సేఫ్’ ఆన్‌లైన్ ప్రాజెక్టుకు దీన్ని రిపోర్ట్ చేసింది. దీంతో వారు రంగంలోకి మరింత పరిశోధించడంతో విషయం వెలుగులోకి వచ్చింది.

ఇవి వాల్‌పేపర్, మ్యూజిక్, ఎంటర్ టైన్ మెంట్ యాప్స్ ముసుగులో ఉంటాయని, వీటి ద్వారానే యాడ్‌వేర్ స్కామ్‌లు జరుగుతున్నట్లు సెన్సార్ టవర్‌కు సంబంధించిన పరిశోధకులు గుర్తించారు. అంతేకాదు టిక్‌టాక్, ఇన్‌స్టాగ్రామ్ వంటి ప్రముఖ సోషల్ మీడియా యాప్స్‌లో లక్షల్లో ఫాలోవర్లు ఉన్నవారు కూడా ఈ యాప్స్‌ను ప్రమోట్ చేయడం బాధాకరమైన విషయమని పరిశోధకులు వ్యాఖ్యానించారు. 5 వేల నుంచి 33 లక్షల వరకు ఫాలోవర్లు ఉన్నవారు కూడా ఈ యాప్స్‌ను ప్రమోట్ చేస్తున్నారట. దీన్ని తమ దృష్టికి తీసుకువచ్చిన చిన్నారికి అవాస్ట్ ధన్యవాదాలు తెలిపింది. అలాగే పరిశోధకుల ద్వారా విషయాన్ని తెలుసుకున్న గూగుల్ వెంటనే ప్లేస్టోర్ నుంచి ఈ యాప్స్‌ను తొలగించింది. కాగా, దీనిపై యాపిల్ ఇంతవరకు స్పందించలేదు. మరోవైపు సోషల్ మీడియా ముసుగులో వచ్చే ఫేక్ మేసేజ్ పట్ల అప్రమత్తంగా ఉండాలని నిపుణులు సూచిస్తున్నారు.

Related Tags