ఉగ్రవాదులకు భారీ షాక్..!
ఉగ్రవాదులకు భారీ షాక్ తగిలింది. తన్వీర్ అహ్మద్ మాలిక్ అనే ఓ హిజ్బుల్ ముజాహిద్దీన్ టెర్రరిస్టును భద్రతా బలగాలు సజీవంగా పట్టుకున్నాయి. జమ్ముకశ్మీర్లోని దోడా జిల్లాలోని టంట్నా గ్రామంలో ఈ ఉగ్రవాదిని పట్టుకున్నారు. ఇతను హిజ్బుల్ ఉగ్రవాదులకు గ్రౌండ్ వర్కర్గా పనిచేస్తున్నట్లు గుర్తించారు. ఇతని వద్ద నుంచి ఓ చైనీస్ పిస్టల్తో పాటుగా భారీగా మందు గుండు సామాగ్రి, వైర్లెస్ సెట్తో పాటు పది రౌండ్ల బుల్లెట్లను కూడా స్వాధీనం చేసుకున్నారు. జమ్మూకశ్మీర్ పోలీసులతో కలిసి భద్రతా […]
ఉగ్రవాదులకు భారీ షాక్ తగిలింది. తన్వీర్ అహ్మద్ మాలిక్ అనే ఓ హిజ్బుల్ ముజాహిద్దీన్ టెర్రరిస్టును భద్రతా బలగాలు సజీవంగా పట్టుకున్నాయి. జమ్ముకశ్మీర్లోని దోడా జిల్లాలోని టంట్నా గ్రామంలో ఈ ఉగ్రవాదిని పట్టుకున్నారు. ఇతను హిజ్బుల్ ఉగ్రవాదులకు గ్రౌండ్ వర్కర్గా పనిచేస్తున్నట్లు గుర్తించారు. ఇతని వద్ద నుంచి ఓ చైనీస్ పిస్టల్తో పాటుగా భారీగా మందు గుండు సామాగ్రి, వైర్లెస్ సెట్తో పాటు పది రౌండ్ల బుల్లెట్లను కూడా స్వాధీనం చేసుకున్నారు.
జమ్మూకశ్మీర్ పోలీసులతో కలిసి భద్రతా బలగాలు కూంబింగ్ చేపడుతున్న సమయంలో ఈ ఉగ్రవాది దొరికినట్లు అధికారులు తెలిపారు. ఉగ్రవాదులకు ఎప్పటికప్పుడు భద్రతా బలాగాల గురించి సమాచారం ఇస్తూ.. వ్యాలీలో సంచరించేందుకు వాహనాలను కూడా సమకూర్చుతూ.. ఆయుధాలను అందించేవాడని అధికారులు తెలిపారు. ప్రస్తుతం ఇతడి నుంచి ఉగ్రవాదులకు సంబంధించిన సమాచారం రాబట్టేందుకు యత్నిస్తున్నట్లు తెలుస్తోంది. ఈ ఉగ్రవాది ద్వారా.. లోయలో జరిగే ఆపరేషన్ స్కెచ్తో పాటు.. ఎక్కడెక్కడ ఎంత మంది ఉగ్రవాదులు ఉన్నారు..? వారంతా ఎక్కడెక్కడ దాడులకు స్కెచ్ వేశారన్న దానిపై సమాచారం రాబట్టే అవకాశాలున్నట్లు తెలుస్తోంది. కాగా.. తన్వీర్ పట్టుబడ్డ ప్రాంతంలో పోలీసులు విస్తృతంగా కూంబింగ్ చేపడుతున్నారు.