Breaking News
  • దిశ నిందితుల ఎన్‌కౌంటర్‌పై మహిళా సంఘాల అభ్యంతరం. ఎన్‌కౌంటర్‌కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్‌కౌంటర్‌ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్‌కౌంటర్‌ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్‌ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్‌ జస్టిస్‌ అందుబాటులో లేకపోవడంతో సోమవారం విచారిస్తామన్న హైకోర్టు.
  • కేంద్రీయ సైనిక్‌ బోర్డ్‌కు పవన్‌కల్యాణ్‌ విరాళం. కోటి రూపాయలు విరాళం ప్రకటించిన పవన్‌కల్యాణ్‌. స్వయంగా ఢిల్లీ వెళ్లి డీడీ అందిస్తా-పవన్‌కల్యాణ్‌.
  • ఎన్‌కౌంటర్లు సమస్యకు పరిష్కారం కాదు-ట్విట్టర్‌లో ఆర్జీవీ. సమాజంలో ఉద్రేకాలను తగ్గించేందుకు ఎన్‌కౌంటర్లు దోహదం చేయొచ్చు-ట్విట్టర్‌లో రామ్‌గోపాల్‌వర్మ.
  • తూ.గో: ఆంధ్రా పాలిటెక్నిక్‌ కాలేజ్‌లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
  • గుంటూరు: పిడుగురాళ్ల సబ్‌ రిజిస్ట్రార్‌ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
  • ధరల నియంత్రణలో ప్రభుత్వం విఫలమైంది-చంద్రబాబు ట్వీట్‌. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్‌లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్‌లో చంద్రబాబు
  • మహబూబ్‌నగర్‌: దిశ నిందితుల మృతదేహాలకు పోస్ట్‌మార్టం పూర్తి. రాత్రికి మహబూబ్‌నగర్‌ ప్రభుత్వాస్పత్రిలోనే నిందితుల మృతదేహాలు. రేపు మహబూబ్‌నగర్ ఆస్పత్రికి వెళ్లనున్న ఎన్‌హెచ్ఆర్సీ ప్రతినిధులు. ఎన్‌హెచ్‌ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్‌నగర్‌ ప్రభుత్వాస్పత్రి దగ్గర భారీగా పోలీస్‌ బందోబస్తు.

అక్కడ సెల్ఫీ దిగారో జరిమానాలు ఖాయం.. ఎక్కడంటే ?

No Selfie Zones In Hyderabad, అక్కడ సెల్ఫీ దిగారో జరిమానాలు ఖాయం.. ఎక్కడంటే ?

ఈ మధ్యకాలంలో యువత ఎక్కడ చూసినా సెల్ఫీలు దిగడం అలవాటుగా మార్చుకున్నారు. పర్యాటక ప్రదేశానికి వెళ్తే చాలు.. కొందరి చేతిలో ముందుగా సెల్ఫీ స్టిక్స్ దర్శనమిస్తుంటాయి. ఏ మాత్రం పరిస్థితులను గమనించకుండా ప్రమాదకరమైన ప్రదేశాల్లో కూడా సెల్ఫీల కోసం ఎగబడుతూ.. ఈతరం యువత ప్రాణాలను రిస్క్‌లో పెడుతున్నారు.

ఇదిలా ఉంటే మన భాగ్యనగరం యువత ధోరణి గురించి ప్రత్యేకంగా చెప్పాల్సిన అవసరం లేదు. ప్లేస్ ఏదైనా.. అది రద్దీగా ఉన్నా.. ప్రమాదకరమైనది అయినా.. సెల్ఫీలు దిగడానికి ఎగబడుతున్నారు. ఆ సెల్ఫీ కాస్తా కిల్ఫీగా మారుతుండటంతో.. ఈ పరిస్థితిని అదుపులోకి తీసుకురావడానికి అధికారులు కఠిన చర్యలకు రంగం సిద్ధం చేసినట్లు తెలుస్తోంది. ప్రమాదకరమైన ప్రదేశాల్లో సెల్ఫీలను నియంత్రించడానికి ప్రణాళికలు రూపొందిస్తున్నారట.

భాగ్యనగరం మొత్తానికి 50 ప్రాంతాలను ‘నో సెల్ఫీ జోన్లు’గా గుర్తించినట్లు సమాచారం. ట్రాఫిక్ రద్దీగా ఉండే ప్రదేశాలు, వాటర్ ప్లేస్‌లు, కొండలు, గుట్టలు ఇలా ఎన్నో ఉన్నాయి. ఇకపోతే కీసర గుట్ట, ఘట్ కేసరి, గండిపేట చెరువు, బయోడైవర్సిటీ ప్లై ఓవర్, రైల్వే స్టేషన్లు ఉన్నాయి. అటు సైబరాబాద్ ఏరియాలోనే దాదాపు 10 ప్రాంతాలను ‘నో సెల్ఫీ జోన్లు’గా గుర్తించడం గమనార్హం.

బయోడైవర్సిటీ న్యూ ఫ్లై ఓవర్…

ఇటీవలే బయోడైవర్సిటీ జంక్షన్‌లో మెహిదీపట్నం నుంచి ఖాజాగూడ వైపు వెళ్లే ఫ్లై ఓవర్‌ను ప్రారంభించిన సంగతి తెలిసిందే. ఇక ఈ ఫ్లై ఓవర్‌పై సెల్ఫీలు తీసుకోవడానికి యువత ఎక్కువగా ఆసక్తి చూపిస్తున్నారు. అధిక ట్రాఫిక్ ఉండే ఈ ప్రాంతంలో యువత ప్రాణాలను కూడా లెక్కచేయకుండా సెల్ఫీల కోసం ఎగబడుతున్నారు. దీంతో అనుకోని యాక్సిడెంట్లు సంభవిస్తున్నాయి.

నెక్లెస్ రోడ్(లవ్ హైదరాబాద్)…

నెక్లెస్ రోడ్ అంటేనే లవర్స్ ఎక్కువగా ఉండే ప్రదేశం. అంతేకాకుండా నలుగురు ఫ్రెండ్స్‌తో కలిసి ఎంజాయ్ చేసే విధంగా ఉంటుంది. పక్కనే హుస్సేన్ సాగర్.. టూరిస్ట్ స్పాట్ లాంటి నెక్లెస్ రోడ్‌లో యువత సెల్ఫీలు తీసుకోవడానికి ఎగబడటం సహజం. దీంతో ట్రాఫిక్ అనేది పట్టించుకోకుండా ఎక్కడ పడితే అక్కడ సెల్ఫీలు దిగడానికి ఆసక్తి చూపిస్తారు. కొన్నిసార్లు ఆ సెల్ఫీలే కిల్ఫీలుగా కూడా మారుతుంటాయి.