విశాఖలో ఘోర రోడ్డు ప్రమాదం, ఐదుగురు మృతి

విశాఖ జిల్లా చింతపల్లి మండలం బలపం చెరువూరు దగ్గర ఘోర రోడ్డు ప్రమాదం జరిగింది. 11 మందితో వెళ్తున్న ఆటో విద్యుత్ స్తంభాన్ని ఢీకొట్టింది. వెంటనే ఆటోకు విద్యుత్ షాక్‌ తగలడంతో ఆటోలో ప్రయాణిస్తున్న ఐదుగురు వ్యక్తులు స్పాట్‌లోనే మృతిచెందారు. ఈ ప్రమాదంలో మరో ఆరుగురికి తీవ్రగాయాలయ్యాయి. మృతులు ఆటో డ్రైవర్ కృష్ణ, బొంజుబాబు, ప్రసాద్, చిట్టిబాబు, గంగరాజుగా గుర్తించారు. వీరంతా కోరుకొండ సంతకు వెళ్లి వస్తుండగా ఈ ప్రమాదం జరిగిందని పోలీసులు తెలిపారు.

విద్యుత్ స్తంభాన్ని ఢీ కొట్టడంతో ఆటో పూర్తిగా మంటల్లో కాలి దగ్ధమైంది. క్షతగాత్రులను ఆసుపత్రికి తరలించి చికిత్స అందిస్తున్నారు. ఆటో ప్రమాదంపై సీఎం జగన్ తీవ్ర దిగ్భ్రాంతిని వ్యక్తం చేశారు. మృతుల కుటుంబాలకు ఎక్స్ గ్రేషియా చెల్లించాలని జిల్లా కలెక్టర్‌ను ఆదేశించారు.