Breaking News
  • అమరావతి: భూముల కొనుగోలుపై సీఐడీ కేసు నమోదు. ల్యాండ్‌ పూలింగ్‌పై కేసు నమోదు చేసి విచారణ చేస్తున్న సీఐడీ. 796 తెల్ల రేషన్‌కార్డు దారులపై కేసు నమోదు. రూ.3 కోట్లకు ఎకరం భూమి కొనుగోలు చేసిన తెల్ల రేషన్‌కార్డు దారులు. రూ.300 కోట్లతో భూమి కొనుగోలు చేసినట్టు గుర్తించిన సీఐడీ. విచారణ కోసం నాలుగు బృందాలను ఏర్పాటు చేసిన సీఐడీ. మొత్తం 129 ఎకరాలు కొన్న 131 మంది తెల్ల రేషన్‌కార్డుదారులు. పెద్దకాకానిలో 40 ఎకరాలు కొన్న 43 మంది. తాడికొండలో 180 ఎకరాలు కొనుగోలు చేసిన 188 మంది. తుళ్లూరులో 243 ఎకరాలు కొన్న 238 మంది. మంగళగిరిలో 133 ఎకరాలు కొనుగోలుచేసిన 148 మంది. తాడేపల్లిలో 24 ఎకరాలు కొన్న 49 మంది తెల్ల రేషన్‌కార్డు దారులు.
  • కడప: మంత్రులు, వైసీపీ ఎమ్మెల్యేలపై అమరావతి జేఏసీ నేతల ఆగ్రహం. అమరావతి రాజధానిగా కొనసాగించే వరకు ఉద్యమాలు. బిల్లులను సెలెక్ట్ కమిటీకి పంపడం హర్షణీయం. మండలి చైర్మన్‌ పట్ల మంత్రుల తీరు బాధాకరం. ప్రజలే బుద్ధి చెబుతారు-జేఏసీ నేతలు రమణ, శ్రీనివాసులురెడ్డి.
  • నాపై ఆరోపణలు అవాస్తవం-ప్రత్తిపాటి పుల్లారావు. నాపై అన్యాయంగా కేసులు బనాయిస్తున్నారు. ప్రభుత్వం, అధికారులపై న్యాయ పోరాటం చేస్తా. రాజధాని భూముల్లో అక్రమాలు జరిగితే కేసులు పెట్టండి. తప్పు చేయకుండా కేసులు పెట్టడం అన్యాయం-ప్రత్తిపాటి.
  • అమరావతి: మంగళగిరి టీడీపీ ఆఫీస్‌కు భారీగా రాజధాని రైతులు. చంద్రబాబు, లోకేష్‌ను అభినందించిన రైతులు, కార్యకర్తలు. లోకేష్‌కు పుట్టిన రోజు శుభాకాంక్షలు తెలిపిన నేతలు, కార్యకర్తలు. రైతులకు మద్దతుగా జన్మదిన వేడుకలకు దూరంగా లోకేష్‌.
  • ప.గో: పాలకొల్లులో మండలి చైర్మన్‌ చిత్రపటానికి పాలాభిషేకం చేసిన జేఏసీ నేతలు, చైర్మన్‌కు బొకేలు ఇచ్చిన అభినందనలు తెలిపిన జేఏసీ నేతలు.

పౌరసత్వ చట్టంపై నిరసనలు: బెంగాల్‌లో ఐదు రైళ్లకు నిప్పు!

Several Trains Cancelled Amid Protests Over Citizenship Act, పౌరసత్వ చట్టంపై నిరసనలు: బెంగాల్‌లో ఐదు రైళ్లకు నిప్పు!

పశ్చిమ బెంగాల్‌లోని ముర్షిదాబాద్ జిల్లా లాల్గోలా రైల్వే స్టేషన్‌లో శనివారం సాయంత్రం ఐదు రైళ్లకు నిప్పంటించారు. ఈశాన్య రాష్ట్రాల్లో పౌరసత్వ చట్టంపై భగ్గుమన్న నిరసనకారులు రాష్ట్రంలోని వివిధ ప్రాంతాల్లో రోడ్లను అడ్డుకోవడం, రైలు సేవలకు అంతరాయం కలిగించడం కొనసాగించారు. ముఖ్యంగా అస్సాంలో కర్ఫ్యూకు వ్యతిరేకంగా వేలాది మంది నిరసనలు తెలిపారు. దీంతో పోలీసు కాల్పులు జరపగా ఇద్దరు మరణించారు. అయితే.. ఈశాన్య రాష్ట్రాల్లోని కొన్ని ప్రాంతాల్లో ఆంక్షలు పాక్షికంగా సడలించడంతో శాంతియుత వాతావరణం నెలకొంది.

ఈ రోజు ఉదయం హౌరాలోని సంక్రైల్ రైల్వే స్టేషన్ పరిసరాల్లో వందలాది మంది నిరసనకారులు రోడ్లపై బైఠాయించారు. రైల్వే స్టేషన్ కాంప్లెక్స్ కు నిప్పంటించారు. వారు కొన్ని దుకాణాలకు కూడా నిప్పంటించారని పోలీసు వర్గాలు తెలిపాయి. “మధ్యాహ్నం తరువాత, వారు స్టేషన్ కాంప్లెక్స్‌లోకి ప్రవేశించి టికెట్ కౌంటర్‌కు నిప్పంటించారు. ఆర్‌పిఎఫ్, రైల్వే సిబ్బంది వారిని ఆపడానికి ప్రయత్నించినప్పుడు, వారు తిరగబడ్డారు” అని రైల్వే ప్రొటెక్షన్ ఫోర్స్ అధికారి పేర్కొన్నారు.