Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

మరో ఉన్నావ్ ఘటన.. యువతిపై అత్యాచారం, ఆపై నిప్పు..

Unnao Scene Repeat, మరో ఉన్నావ్ ఘటన.. యువతిపై అత్యాచారం, ఆపై నిప్పు..

నిర్బయ.. ఉన్నావ్.. దిశ.. ఇలా ఎంతోమంది అబలలు కామాంధుల చేతులో బలైపోతూనే ఉన్నారు. మహిళలపై అఘాయిత్యాలకు పాల్పడేవారి కోసం ఆయా ప్రభుత్వాలు కఠిన చట్టాలు తీసుకొస్తున్నా.. ఇలాంటి ఘటనలు పునరావృతం అవుతూనే ఉన్నాయి. ఇక తాజాగా ఉత్తరప్రదేశ్‌లో ఉన్నావ్‌ను తలపించే విధంగా మరో ఘోరం చోటు చేసుకుంది. 18 ఏళ్ళ యువతిపై ఓ కామాంధుడు అత్యాచారానికి పాల్పడి.. ఆపై పెట్రోల్ పోసి నిప్పంటించాడు. ఈ దారుణం ఫతేపూర్ జిల్లాలోని హుస్సేన్ గంజ్‌లో జరిగింది.  ప్రస్తుతం బాధితురాలు 90% కాలిన గాయాలతో కాన్పూర్ ఆసుపత్రిలో చావుబతుకుల మధ్య కొట్టుమిట్టాడుతోంది. కాగా, నిందితుడు ఆమెకు దూరపు బంధువు. యువతి ఒంటరిగా ఉన్న సమయంలో ఈ మృగాడు ఘటాకానికి పాల్పడ్డాడు.

కొద్దిరోజుల కిందట బాధిత యువతితో నిందితుడు సన్నిహితంగా మెలగడం చూసి.. బంధువులు పట్టుకుని పంచాయితీ ముందు పెట్టారు. ఇరు కుటుంబ సభ్యులు ఒక నిర్ణయానికి వచ్చి.. ఇద్దరికీ పెళ్లి చేయాలని నిర్ణయించారు. అయితే అనుకోని విధంగా ఆ కిరాతకుడు ఈ దారుణానికి పాల్పడ్డాడని పోలీసుల ప్రాధమిక విచారణలో తేలింది. కాగా, వారు ఈ కోణంలో దర్యాప్తు చేయడం ప్రారంభించారు. ఇక యూపీలో రోజుకో తరహాలో మహిళలపై ఘోరాలు జరుగుతుండటంతో యోగీ సర్కార్‌పై విమర్శలు వెల్లువెత్తాయి.