Breaking News
  • ప్రధాని శంకుస్థాపన చేసిన రాజధానిని మార్చే హక్కు ఎవరికీ లేదు. సుప్రీంకోర్టు, రాష్ట్రపతి ఒప్పుకుంటేనే హైకోర్టు కదులుతుంది-కేశినేని. అమరావతి రక్షణకు పార్లమెంటు వేదికగా పోరాటం చేస్తాం-కేశినేని.
  • చిత్తూరు: తిరుచానూరు పీఎస్‌ నుంచి బేడీలతో పరారైన దొంగ. ట్రాక్టర్‌ దొంగతనం కేసులో నాగరాజును అరెస్ట్‌చేసిన పోలీసులు. దొంగ నాగరాజు కోసం గాలిస్తున్న పోలీసులు.
  • ఢిల్లీ: ఆప్‌ ప్రభుత్వంపై బీజేపీ తీవ్ర విమర్శలు. నిర్భయ దోషులను రక్షించేందుకు ఆప్‌ ప్రభుత్వం యత్నిస్తోంది. కావాలనే న్యాయ ప్రక్రియను ఆలస్యం చేస్తోంది-మనోజ్‌ తివారీ. పోలీసులు తమ పరిధిలో లేరని తప్పించుకోవాలని ఆప్‌ చూస్తోంది -బీజేపీ ఢిల్లీ చీఫ్‌ మనోజ్‌ తివారీ.
  • అనంతపురం: తాడిపత్రిలో కత్తిపోట్లు. డబ్బుల విషయంలో స్నేహితుల మధ్య ఘర్షణ. రాము అనే వ్యక్తిని కత్తితో పొడిచిన రవితేజ. ఆస్పత్రికి తరలిస్తుండగా మృతి చెందిన రాము.
  • రైతులు కన్నీళ్లు పెట్టినా సీఎం మనసు కరగడం లేదు. రాష్ట్రంలో పోలీస్‌ రాజ్యం నడుస్తోంది-దేవినేని ఉమ. విశాఖలో భూదందా నడుస్తోంది-మాజీ మంత్రి దేవినేని ఉమ. రియల్‌ ఎస్టేట్‌ వ్యాపారం కోసం రాజధానిని విశాఖకు తరలిస్తున్నారు. పులివెందుల పులి డమ్మీ కాన్వాయ్‌తో వెళ్తోంది. దేశ చరిత్రలో డమ్మీ కాన్వాయ్‌తో వెళ్లిన సీఎం చరిత్రలో లేరు. సచివాలయానికి వెళ్లేందుకు మెటల్‌ రోడ్డు వేసుకుంటున్నారు. 5 కోట్ల మంది ప్రజలు రేపు రోడ్లపైకి రావాలి-దేవినేని ఉమ.

సింధూతో సైనా ఢీ

, సింధూతో సైనా ఢీ

గువాహటి:

జాతీయ సీనియర్‌ బ్యాడ్మింటన్‌ టోర్నీ మరోసారి హోరాహోరీ పోరుకు వేదికైంది. శనివారం మహిళల సింగిల్స్‌ ఫైనల్లో భారత టాప్‌ షట్లర్లు పి.వి.సింధు, సైనా నెహ్వాల్‌ టైటిల్‌ సమరానికి సై అంటున్నారు. గతేడాది కూడా వీళ్లిద్దరే ఫైనల్లో తలపడగా సైనా విజేతగా నిలిచింది.

భారత అగ్రశ్రేణి షట్లర్లు పి.వి.సింధు, సైనా నెహ్వాల్‌ జాతీయ సీనియర్‌ బ్యాడ్మింటన్‌ టోర్నమెంట్లో ఫైనల్‌కు దూసుకెళ్లారు. శుక్రవారం జరిగిన మహిళల సింగిల్స్‌ సెమీస్‌లో టాప్‌సీడ్‌ సింధు 21-10, 22-20తో అస్మితను ఓడించింది. తొలి గేమ్‌ను త్వరగానే కోల్పోయి అస్మిత.. రెండో గేమ్‌లో సింధుకి గట్టి పోటి ఇచ్చింది. అయితే చివరికి సింధు అనుభవమే గెలిచింది. మరో సెమీస్‌లో రెండో సీడ్‌ సైనా 21-15, 21-14తో క్వాలిఫయర్‌ వైష్ణవిని ఓడించింది. అంతకుముందు క్వార్టర్స్‌లో సైనా 21-10, 21-10తో నేహా పండిట్‌పై గెలిచింది.

‘‘సైనాతో ఫైనల్‌ మరో మ్యాచ్‌గానే భావిస్తున్నా. రాబోయే ఆల్‌ ఇంగ్లాండ్‌ టోర్నీకి ఈ మ్యాచ్‌ ఉపయోగపడుతుందని అనుకోవట్లేదు. పూర్తి స్థాయిలో రాణించి టైటిల్‌ గెలవడమే నా లక్ష్యం’’ అని సింధు చెప్పింది.

, సింధూతో సైనా ఢీ

సైనా మూడు సార్లు (2006, 2007, 2018)జాతీయ టైటిల్‌ నెగ్గగా.. సింధు రెండు సార్లు (2011, 2013) సొంతం చేసుకుంది. పురుషుల సింగిల్స్‌లో క్వాలిఫయర్లు లక్ష్యసేన్‌, సౌరభ్‌ వర్మ ఫైనల్లో ప్రవేశించారు. సెమీస్‌లో లక్ష్యసేన్‌ 21-15,  21-16తో మాజీ ఛాంపియన్‌, మూడో సీడ్‌ పారుపల్లి కశ్యప్‌కు షాకిచ్చాడు. మరో సెమీస్‌లో సౌరభ్‌వర్మ 21-14, 21-17తో కుశాల్‌పై విజయం సాధించాడు. మహిళల డబుల్స్‌లో జక్కంపూడి మేఘన-పూర్వీషా రామ్‌ జోడీ ఫైనల్‌ చేరింది. సెమీస్‌లో మేఘన-పూర్వీషా 21-19, 24-22తో అపర్ణా బాలన్‌-స్మృతిపై విజయం సాధించారు.