Breaking News
  • విజయవాడ: ప్రకాశం బ్యారేజ్‌ దగ్గర ఉద్రిక్తత. ధర్నాచౌక్‌ నుంచి మందడం బయల్దేరిన కర్నాటక రైతులు. అనుమతిలేదంటూ ప్రకాశం బ్యారేజ్‌ దగ్గర అడ్డుకున్న పోలీసులు.
  • చంద్రబాబుతో సీపీఐ రాష్ట్ర కార్యదర్శి రామకృష్ణ భేటీ. అమరావతి కార్యాచరణపై చర్చ.
  • మైలవరం ఫారెస్ట్ అధికారిపై వైసీపీ మండలాధ్యక్షుడు దాడికియత్నం. అటవీ భూమిని చదును చేస్తుండగా అడ్డుకున్న ఫారెస్ట్ అధికారి . ఫారెస్ట్‌ అధికారితో వాదనకు దిగిన వైసీపీ నేత పామర్తి శ్రీను.
  • ప.గో: చంద్రబాబుది యూటర్న్‌ గవర్నమెంట్‌ అయితే.. జగన్‌ది రద్దుల గవర్నమెంట్‌. మంగళగిరిలో లోకేష్‌ ఓడిపోయి.. మండలిలోకి వెళ్లి ప్రభుత్వ కార్యక్రమాలు అడుకుంటున్నారు. రాజకీయ పునరావాసానికి మండలి వేదికగా మారింది-బీజేపీ నేత అంబికా కృష్ణ.
  • తూ.గో: తునిలో కారులో ఇరుక్కున్న మూడేళ్ల బాలుడు. మూడేళ్ల బాబును కారులో వదిలి వెళ్లిన తల్లిదండ్రులు. కారు డోర్లు లాక్‌ కావడంతో ఉక్కిరిబిక్కిరైన బాలుడు. కారు అద్దాలు పగలగొట్టి చిన్నారిని కాపాడిన స్థానికులు.

హృదయాలను కలచివేస్తోన్న జవాన్ల కుటుంబ పరిస్థితి

, హృదయాలను కలచివేస్తోన్న జవాన్ల కుటుంబ పరిస్థితి

న్యూఢిల్లీ: పుల్వామా ఉగ్రదాడిలో వీర మరణం పొందిన 42 మంది జవాన్ల కుటుంబాల పరిస్థితి హృదయాలను కలచివేసేదిగా ఉంది. కొడుకును కోల్పోయిన తల్లి, భర్తను కోల్పోయిన భార్య, తండ్రిని కోల్పోయిన పిల్లలు, తోడబుట్టిన వాడిని కోల్పోయిన రక్త సంబంధీకులు ఇలా ఒక్కో కుటుంబానిది ఒక్కో పరిస్థితి. దేశం మొత్తం జవాన్ల వీర మరణానికి ద్రిగ్భాంతిని వ్యక్తం చేస్తుంటే వాళ్ల కుటుంబీకులు మాత్రం శోక సంద్రంలో మునిగిపోయారు.

రెండు నెలల పాటు సెలవలకు సరదాగా గడిపిన అనంతరం మళ్లీ విధులకు హాజరయ్యేందుకు వెళ్లిన వెంటనే చేదు వార్త అందటంతో కన్నీరు మున్నీరవుతున్నారు. హోలీకి మళ్లీ తిరిగొస్తానమ్మా అని చెప్పి వెళ్లిన కొడుకు తిరిగిరాని లోకాలకు వెళ్లిపోయాడని పశ్చిమ బెంగాల్‌కు చెందిన 39 ఏళ్ల బబ్లూ సంత్రాను తలుచుకుంటూ తల్లి శోకిస్తోంది.

ఒడిశాకు చెందిన ప్రసన్న కుమార్ కూతురు రోజీ స్పందిస్తూ తన తండ్రి చనిపోయినందుకు బాధగా ఉందని, మరోపక్క దేశం కోసం ప్రాణాలర్పించినందుకు గర్వంగా కూడా ఉందని చెప్పింది. చనిపోవడానికి కొద్దిసేపటి క్రితమే ఒడిశాకు చెందిన 33 ఏళ్ల మనోజ్ తన ఇంటికి ఫోన్ చేశారు. కూతురు బాగోగుల గురించి అడిగిన అనంతరం శ్రీనగర్‌కు వెళుతున్నామని మళ్లీ ఫోన్ చేస్తానని చెప్పారు. ఈ విషయాన్ని గుర్తు చేసుకుని ఆ కుటుంబం రోదిస్తోంది.