Breaking News
  • గుంటూరు: చిలకలూరిపేటలో జేఏసీ నిరసన దీక్ష. దీక్షను ప్రారంభించిన మాజీ మంత్రి ప్రత్తిపాటి పుల్లారావు. రాష్ట్ర ప్రభుత్వం దుర్మార్గంగా వ్యవహరిస్తోంది-ప్రత్తిపాటి. నాపై, నారాయణపై ఎస్సీ,ఎస్టీ కేసులు పెట్టారు. కోర్టులో ఈ ప్రభుత్వానికి పరాభవం తప్పదు-ప్రత్తిపాటి.
  • అమరావతి: ఏపీలో నిరంకుశ పాలన నడుస్తోంది-కొల్లు రవీంద్ర. మండలి చైర్మన్‌ షరీఫ్‌పై మంత్రుల వ్యాఖ్యలు సరికాదు. సీఎం జగన్‌కు ప్రజలే బుద్ధి చెబుతారు-మాజీ మంత్రి కొల్లు రవీంద్ర.
  • విశాఖ: తహశీల్దార్‌ కార్యాలయాల్లో ఏసీబీ తనిఖీలు. సబ్బవరం, భీమిలి తహశీల్దార్‌ కార్యాలయాల్లో సోదాలు.
  • ప.గో: 13 జిల్లాలు అభివృద్ధే సీఎం జగన్‌ ఆశయం-సామినేని ఉదయభాను. అధికార వికేంద్రీకరణ, అభివృద్ధి వికేంద్రీకరణ రెండూ జరగాలి. మండలి చైర్మన్‌ బిల్లులను సలెక్టు కమిటీ పంపడం సరికాదు. దీనివల్ల రాష్ట్ర అభివృద్ధి ఆలస్యం అవుతుంది-సామినేని ఉదయభాను.
  • అమరావతి: సా.4 గంటలకు గవర్నర్‌తో భేటీకానున్న చంద్రబాబు. మండలిలో జరిగిన పరిణామాలపై గవర్నర్‌కు ఫిర్యాదు చేయనున్న బాబు. అమరావతిని రాజధానిగా కొనసాగించాలని విజ్ఞప్తి. మండలి చైర్మన్‌పై మంత్రులు, వైసీపీ సభ్యుల తీరుపై ఫిర్యాదు. మండలి రద్దు, రాజధాని అంశం, మీడియాపై కేసులను.. గవర్నర్‌ దృష్టికి తీసుకెళ్లనున్న చంద్రబాబు.

యడ్యూరప్పకు కుమారస్వామి సడన్ షాక్!

, యడ్యూరప్పకు కుమారస్వామి సడన్ షాక్!
బెంగళూరు: కర్నాటక బీజేపీ చీఫ్ బీఎస్ యడ్యూరప్పకు సిఎం హెచ్‌డీ కుమార స్వామి ఊహించని షాక్ ఇచ్చారు. జేడీఎస్ ఎమ్మెల్యేతో యడ్యూరప్ప బేరసారాలకు దిగినట్టు వెలుగు చూసిన ఆడియో టేపులపై పూర్తి స్థాయి విచారణ కోసం ప్రత్యేక దర్యాప్తు బృందం (సిట్) ఏర్పాటు చేస్తున్నట్టు ప్రకటించారు. ఈ వివాదంలోకి తనపేరును కూడా లాగారనీ.. నిజానిజాలు తెలియాలంటే సిట్ ఏర్పాటు చేయాలంటూ అసెంబ్లీ వేదికగా స్పీకర్ రమేశ్ కుమార్ సూచించడంతో ముఖ్యమంత్రి ఈ మేరకు నిర్ణయం తీసుకున్నారు.

, యడ్యూరప్పకు కుమారస్వామి సడన్ షాక్!

నిజాయితీకి, హుందాతనానికి మారుపేరైన స్పీకర్ కుమార్‌పై ఈ తరహా ఆరోపణలు చేయడం తగదనీ… ఆయన కార్యాలయాన్ని కాపాడాలని సభ్యులంతా కోరారు. స్పీకర్‌పై బీజేపీ నేతలు చేసిన ఆరోపణలు తనను సైతం బాధపెట్టాయనీ.. ఆయన సూచన మేరకు సిట్ బృందాన్ని ఏర్పాటు చేస్తున్నామని సీఎం కుమార స్వామి పేర్కొన్నారు. కాగా సిట్ విచారణ కేవలం స్పీకర్ వరకే పరిమితం చేయాలనీ… లేకుంటే ప్రభుత్వం సిట్‌ను దుర్వినియోగం చేసే అవకాశం ఉందని బీజేపీ నేతలు డిమాండ్ చేశారు. అయితే ఈ విచారణ ఎవరినీ వెంటాడేందుకు కాదనీ.. కేవలం నిజానిజాలను వెలుగులోకి తేవడమే దీని ఉద్ధేశమని సీఎం స్పష్టం చేశారు.

సంకీర్ణ ప్రభుత్వాన్ని కూల్చేందుకు బీజేపీ నేతలు తమ ఎమ్మెల్యేలతో బేరసారాలకు దిగుతున్నారంటూ ముఖ్యమంత్రి కుమారస్వామి ఆరోపించడంతో అధికార, ప్రతిపక్షాల మధ్య మాటల యుద్ధం మొదలైన సంగతి తెలిసిందే. జేడీఎస్ ఎమ్మెల్యేతో యడ్యూరప్ప మాట్లాడిన ఆడియో క్లిప్పును సైతం సీఎం ఇటీవల మీడియాకు విడుదల చేశారు. అసమ్మతి ఎమ్మెల్యేల విషయంలో తమకు అనుకూలంగా రూలింగ్ ఇచ్చేలా ప్రసన్నం చేసుకునేందుకు యడ్యూరప్ప స్పీకర్‌కు  ఏకంగా రూ.50 కోట్లు ఆఫర్ చేసినట్టు ఆడియోలో రికార్డు అయ్యిందని కూడా సీఎం ఆరోపణలు చేసిన సంగతి తెలిసిందే.