Breaking News
  • కేంద్రమంత్రి నరేంద్రసింగ్‌ తోమర్‌కు చంద్రబాబు లేఖ. నరేగా పెండింగ్‌ నిధులను వెంటనే విడుదల చేయాలని వినతి. ఏపీ ప్రభుత్వం కక్ష సాధింపు చర్యలకు పాల్పడుతూ.. నిధులు విడుదల చేయకుండా పెండింగ్‌లో ఉంచింది. గతంలో నరేగా పనులు చేసినవారిపట్ల నిర్లక్ష్యంగా వ్యవహరిస్తోంది -లేఖలో చంద్రబాబు.
  • పదేళ్లలో జమ్మికుంట-హుజూరాబాద్‌ నగరాలు కలిసిపోతాయి. జంట నగరాలకు మున్సిపల్ చైర్మన్లుగా టీఆర్‌ఎస్ అభ్యర్థులే గెలుస్తారు. ఎన్నికల్లో ఓడిపోయినా ప్రణాళికా సంఘం ఉపాధ్యక్షుడిగా.. కేసీఆర్‌ నన్ను నియమించారు-వినోద్‌కుమార్‌. కాళేశ్వరం ప్రాజెక్టుకు జాతీయ హోదా ప్రకటించాలి -ప్రణాళికా సంఘం ఉపాధ్యక్షుడు వినోద్‌కుమార్.
  • కడప: పోరుమామిళ్ల మండలం మార్కాపురం దగ్గర గుర్తుతెలియని వాహనం ఢీకొని సిలాస్‌ అనే వ్యక్తికి తీవ్రగాయాలు, ఆస్పత్రికి తరలింపు.
  • నగరపాలక, మున్సిపల్‌ ఓట్ల లెక్కింపునకు ఏర్పాట్లు పూర్తిచేశాం. 120 మున్సిపాలిటీలు, 9 కార్పొరేషన్లలో రేపు ఓట్ల లెక్కింపు. ఈ నెల 27న మేయర్లు, చైర్‌పర్సన్ల ఎన్నికకు పరోక్ష ఎన్నికలు. ఈనెల 29న కరీంనగర్‌ మేయర్‌ ఎన్నిక-నాగిరెడ్డి. రేపు సాయంత్రంలోగా అన్ని ఫలితాలు వస్తాయి. పార్టీలు మేయర్‌, చైర్‌పర్సన్ల పేర్లను ఏ, బీ ఫారాల ద్వారా ఇవ్వాలి. ఈ నెల 26న ఉ.11 గంటలలోగా ఏ ఫామ్‌ ఇవ్వాలి. ఈ నెల 27న ఉ.11 గంటలలోగా బీ ఫామ్‌ ఇవ్వాలి -తెలంగాణ ఎన్నికల కమిషనర్‌ నాగిరెడ్డి.
  • శాసనమండలి తీరుపై ఎమ్మెల్యే గ్రంధి శ్రీనివాస్‌ ఆగ్రహం. మంచి వ్యక్తితో తప్పుడు పనిచేయించిన చంద్రబాబును ఎవరూ క్షమించరు. వైసీపీ ఎమ్మెల్యేలను రాజీనామా చేయమని అడిగే హక్కు టీడీపీకి లేదు. ముందు టీడీపీ ఎమ్మెల్యేలు రాజీనామా చేసి.. ఎన్నికలకు వెళ్లాలి -ఎమ్మెల్యే గ్రంధి శ్రీనివాస్.

బ్యాంకు లాకర్లో ఉన్న డాక్యుమెంట్లకు చెదలు

, బ్యాంకు లాకర్లో ఉన్న డాక్యుమెంట్లకు చెదలు

హైదరాబాద్‍ ఎల్బీనగర్‌‌లోని బహుదూర్‌ గూడ ప్రభుత్వ ఉన్నత పాఠశాలలో గంధం వెంకటయ్య టీచర్‌గా పనిచేస్తున్నారు. ఆయన తన భార్య కరుణశ్రీతో కలిసి మన్సూరాబాద్‌‌లోని ఆంధ్రాబ్యాంక్‌ లాకర్‌లో బంగారు ఆభరణాలు, ప్లాట్లకు సంబంధించిన డాక్యుమెంట్లను భద్రపరిచారు. గత ఐదేళ్లుగా అవి బ్యాంక్ లాకర్‌లోనే ఉంటున్నాయి.

బంధువుల ఇంట్లో ఓ శుభకార్యానికి హాజరయ్యే క్రమంలో వెంకటయ్య దంపతులు తమ బంగారు ఆభరణాలు తీసుకోవడానికి మంగళవారం (మార్చి 5) ఆంధ్రా బ్యాంక్‌‌కు వచ్చారు. అక్కడ లాకర్‌ను తెరిచి చూసి షాక్‌కు గురయ్యారు. లాకర్‌లోని డాక్యుమెంట్లు చెదలుపట్టి పాడైపోయాయి. ఆయన బ్యాంక్ సిబ్బందిని ప్రశ్నించగా, తమకు సంబంధం లేదని వారు చేతులు దులిపేసుకున్నారు. స్ట్రాంగ్‌ రూమ్‌ అంతా తడిగా ఉందని.. అందులోకి నీరు చేరడంతోనే ఈ నష్టం జరిగిందని వెంకటయ్య ఆరోపించారు. బ్యాంక్‌ అధికారుల నిర్లక్ష్యం కారణంగానే ఇలా జరిగిందని ఆవేదన వ్యక్తం చేశారు.

లాకర్‌లో పెట్టిన వస్తువులతో తమకు సంబంధం లేదని, తాము లాకర్‌ సదుపాయం మాత్రమే కల్పిస్తామని బ్యాంక్‌ మేనేజర్‌ సోమశేఖర్‌ స్పష్టం చేశారు. బ్యాంకులు ఎక్కువగా గోద్రేజ్ కంపెనీకి చెందిన లాకర్లను వినియోగిస్తున్నాయి. లాకర్లకు చెదలు పట్టిన విషయాన్ని గోద్రేజ్‌ కంపెనీ మేనేజర్‌ నర్సింహారావుకు సమాచారం అందించారు. ఆయన‌ బుధవారం బ్యాంకుకు చేరుకొని పరిశీలించారు. లాకర్‌లోకి నీరు చేరడంతోనే ఈ పరిస్థితి తలెత్తిందని, తమ లోపమేమీ లేదని ఆయన తెలిపారు. తమకు జరిగిన నష్టానికి బాధ్యులెవరో తెలియక వెంకటయ్య దంపతులు నెత్తి, నోరు బాదుకుంటున్నారు.