Breaking News
  • గుంటూరు: చిలకలూరిపేటలో జేఏసీ నిరసన దీక్ష. దీక్షను ప్రారంభించిన మాజీ మంత్రి ప్రత్తిపాటి పుల్లారావు. రాష్ట్ర ప్రభుత్వం దుర్మార్గంగా వ్యవహరిస్తోంది-ప్రత్తిపాటి. నాపై, నారాయణపై ఎస్సీ,ఎస్టీ కేసులు పెట్టారు. కోర్టులో ఈ ప్రభుత్వానికి పరాభవం తప్పదు-ప్రత్తిపాటి.
  • అమరావతి: ఏపీలో నిరంకుశ పాలన నడుస్తోంది-కొల్లు రవీంద్ర. మండలి చైర్మన్‌ షరీఫ్‌పై మంత్రుల వ్యాఖ్యలు సరికాదు. సీఎం జగన్‌కు ప్రజలే బుద్ధి చెబుతారు-మాజీ మంత్రి కొల్లు రవీంద్ర.
  • విశాఖ: తహశీల్దార్‌ కార్యాలయాల్లో ఏసీబీ తనిఖీలు. సబ్బవరం, భీమిలి తహశీల్దార్‌ కార్యాలయాల్లో సోదాలు.
  • ప.గో: 13 జిల్లాలు అభివృద్ధే సీఎం జగన్‌ ఆశయం-సామినేని ఉదయభాను. అధికార వికేంద్రీకరణ, అభివృద్ధి వికేంద్రీకరణ రెండూ జరగాలి. మండలి చైర్మన్‌ బిల్లులను సలెక్టు కమిటీ పంపడం సరికాదు. దీనివల్ల రాష్ట్ర అభివృద్ధి ఆలస్యం అవుతుంది-సామినేని ఉదయభాను.
  • అమరావతి: సా.4 గంటలకు గవర్నర్‌తో భేటీకానున్న చంద్రబాబు. మండలిలో జరిగిన పరిణామాలపై గవర్నర్‌కు ఫిర్యాదు చేయనున్న బాబు. అమరావతిని రాజధానిగా కొనసాగించాలని విజ్ఞప్తి. మండలి చైర్మన్‌పై మంత్రులు, వైసీపీ సభ్యుల తీరుపై ఫిర్యాదు. మండలి రద్దు, రాజధాని అంశం, మీడియాపై కేసులను.. గవర్నర్‌ దృష్టికి తీసుకెళ్లనున్న చంద్రబాబు.

ప్రధాని మోడీకి విజయ మాల్యా కౌంటర్

, ప్రధాని మోడీకి విజయ మాల్యా కౌంటర్

లిక్కర్ డాన్ విజయ్ మాల్యా అనూహ్య రీతిలో ప్రధాని మంత్రి మోడీపై విరుచుకుపడ్డాడు. ‘నేను బ్యాంకుల వద్ద తీసుకున్న అప్పును చెల్లిస్తానని చెబుతున్నా.. కానీ అందుకు బ్యాంకులే రాజీ పడటం లేదని ’అంటున్నారు కింగ్ ఫిషర్ అధినేత విజయమాల్యా. ఇండియాలో పలు బ్యాంకుల వద్ద డబ్బును తీసుకుని బ్రిటన్ కు ఉడాయించాడు మల్యా. ఆయన్ను తిరిగి భారత్ కు అప్పగించడం విషయంలో బ్రిటన్ ప్రభుత్వం కూడా సానుకూలంగా ఉన్న విషయం తెలిసిందే.

కాగా.. ‘నాకు తెలుసు ఆయన ఒక మంచి మాటకారి. రూ.9 వేల కోట్లతో ఓ వ్యక్తి భారత్ నుంచి పరారయ్యాడు ’అంటూ ప్రధాని తన ప్రసంగంలో పేరు చెప్పకుండా ప్రస్తావించారు. నాకు అర్థమయ్యింది ఆయన నా గురించే మాట్లాడారు. ప్రధానికి నిజంగా ప్రజల పట్ల చిత్తశుద్ధి ఉంటే నేను బ్యాంకుల వద్ద తీసుకున్న డబ్బు చెల్లిస్తానన్నా ఎందుకు తీసుకోవడం లేదని ప్రశ్నించారు మాల్యా. కింగ్ ఫిషర్ తరపున బ్యాంకుల వద్ద తీసుకున్న రుణాలన్నీ తిరిగి చెల్లించేస్తానంటూ మరోసారి ట్విటర్లో గురువారం ఆయన వరుస పోస్టులు పెట్టారు. అయినా.. కింగ్ ఫిషర్ కి అప్పుగా ఇచ్చినదాన్ని వసూలు చేసారన్న ఘనత కూడా మీకే వస్తుంది కాదా..? అని మాల్యా ప్రధాని మోడీ ప్రశ్నించారు.