Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

జపాన్ ను భయపెడుతున్న ‘ఓర్ ఫిష్’

, జపాన్ ను భయపెడుతున్న ‘ఓర్ ఫిష్’

జపాన్ లో ఇటీవల సముద్రంలో వేటకు వెళ్లిన జాలర్లకు మూడు నుంచి నాలుగు మీటర్ల పొడవున్న రెండు చేపలు చిక్కాయి. అయితే, అవి సాధారణ చేపలు కావు. సముద్ర గర్భంలో మాత్రమే జీవించే అరుదైన ఓర్‌ఫిష్ చేపలు. సముద్రానికి అత్యంత లోతులో జీవించే ఈ చేపలు ఉపరితలానికి వస్తే ఉపద్రవం తప్పదని జపాన్ పురాణాలు చెబుతున్నాయి. ఈ నేపథ్యంలో మరికొద్ది రోజుల్లో జపాన్‌‌లో భారీ భూకంపాలు, సునామీలు సంభవించే అవకాశాలు ఉన్నాయని భావిస్తున్నారు.

జాలర్లు పట్టుకున్న ఈ చేపలు బ్రతికే ఉన్నాయి. అయితే, కొద్ది రోజుల కిందట ఈ జాతికే చెందిన ఓర్‌ఫిష్‌లు చనిపోయి సముద్రంపై తేలియాడతూ కనిపించాయి. అవి ఇప్పుడు దొరికిన చేపలు కంటే చాలా పెద్దవి. వాటి పొడవు సుమారు 11 మీటర్ల పైనే ఉంటుంది. 2011లో భూకంపం, సునామీలు జపాన్‌లోని ఫుకుషిమాలో సుమారు 20వేల మందికి పైగా ప్రజలను పొట్టన పెట్టుకున్న సంగతి తెలిసిందే. ఈ విపత్తుకు ముందు 2010లో డజన్ల కొద్ది ఓర్‌ఫిష్‌లు సముద్ర తీరానికి కొట్టుకొచ్చాయి. దీంతో జపాన్ ప్రజలు ఈ విషయాన్ని గట్టిగా నమ్ముతున్నారు.