Breaking News
  • గుంటూరు: చిలకలూరిపేటలో జేఏసీ నిరసన దీక్ష. దీక్షను ప్రారంభించిన మాజీ మంత్రి ప్రత్తిపాటి పుల్లారావు. రాష్ట్ర ప్రభుత్వం దుర్మార్గంగా వ్యవహరిస్తోంది-ప్రత్తిపాటి. నాపై, నారాయణపై ఎస్సీ,ఎస్టీ కేసులు పెట్టారు. కోర్టులో ఈ ప్రభుత్వానికి పరాభవం తప్పదు-ప్రత్తిపాటి.
  • అమరావతి: ఏపీలో నిరంకుశ పాలన నడుస్తోంది-కొల్లు రవీంద్ర. మండలి చైర్మన్‌ షరీఫ్‌పై మంత్రుల వ్యాఖ్యలు సరికాదు. సీఎం జగన్‌కు ప్రజలే బుద్ధి చెబుతారు-మాజీ మంత్రి కొల్లు రవీంద్ర.
  • విశాఖ: తహశీల్దార్‌ కార్యాలయాల్లో ఏసీబీ తనిఖీలు. సబ్బవరం, భీమిలి తహశీల్దార్‌ కార్యాలయాల్లో సోదాలు.
  • ప.గో: 13 జిల్లాలు అభివృద్ధే సీఎం జగన్‌ ఆశయం-సామినేని ఉదయభాను. అధికార వికేంద్రీకరణ, అభివృద్ధి వికేంద్రీకరణ రెండూ జరగాలి. మండలి చైర్మన్‌ బిల్లులను సలెక్టు కమిటీ పంపడం సరికాదు. దీనివల్ల రాష్ట్ర అభివృద్ధి ఆలస్యం అవుతుంది-సామినేని ఉదయభాను.
  • అమరావతి: సా.4 గంటలకు గవర్నర్‌తో భేటీకానున్న చంద్రబాబు. మండలిలో జరిగిన పరిణామాలపై గవర్నర్‌కు ఫిర్యాదు చేయనున్న బాబు. అమరావతిని రాజధానిగా కొనసాగించాలని విజ్ఞప్తి. మండలి చైర్మన్‌పై మంత్రులు, వైసీపీ సభ్యుల తీరుపై ఫిర్యాదు. మండలి రద్దు, రాజధాని అంశం, మీడియాపై కేసులను.. గవర్నర్‌ దృష్టికి తీసుకెళ్లనున్న చంద్రబాబు.

ఒంగోలులో వైసీపీ, టీడీపీ వర్గాల మధ్య ఘర్షణ

, ఒంగోలులో వైసీపీ, టీడీపీ వర్గాల మధ్య ఘర్షణ

ఒంగోలులో వైసీపీ కార్యాలయం ప్రారంభోత్సవంతో ఉద్రిక్త వాతావరణ౦ నెలకొ౦ది. వైసీపీ, టీడీపీ కార్యకర్తల ఆందోళనలతో రణరంగంగా మారింది. సోమవారం మధ్యాహ్నం మాజీ ఎమ్మెల్యే బాలినేని శ్రీనివాసులురెడ్డి కమ్మపాలెంలో పార్టీ కార్యాలయం ప్రారంభోత్సవానికి సిద్ధమయ్యారు. ఆయన రాకను టీడీపీ కార్యకర్తలు వ్యతిరేకిస్తూ ధర్నాకు దిగారు.. బాలినేనిని కమ్మపాలెంలోకి రానివ్వబోమంటూ నినాదాలు చేశారు. టీడీపీ కార్యకర్తలకు పోటీగా వైసీపీ కార్యకర్తలు కూడా రోడ్డుపై బైఠాయించారు.

ఇరుపార్టీల కార్యకర్తలు ఆందోళనలకు దిగడంతో భారీగా పోలీసుల్ని మోహరించారు. కార్యకర్తలకు పోలీసులు నచ్చజెప్పినా వెనక్కు తగ్గలేదు. దీంతో పరిస్థితి లాఠీఛార్జ్‌కు దారి తీసింది. ఈ గొడవలో కార్యకర్తలు రాళ్లు, చెప్పులు విసరడంతో ఇద్దరు పోలీసులకు, పలువురు కార్యకర్తలకు గాయాలయ్యాయి.

మరోవైపు ఈ ఉద్రిక్త పరిస్థితుల దృష్ట్యా బాలినేనిని కమ్మపాలెం వెళ్లకుండా పోలీసులు కోర్టు సెంటర్‌లో అడ్డుకున్నారు. దీంతో ఆయన పోలీసులతో వాగ్వాదానికి దిగారు. ఉద్దేశపూర్వకంగా తనను అడ్డుకుంటున్నారని, పార్టీ ఆఫీసు ప్రారంభిస్తే పోలీసులకు వచ్చిన నష్టమేంటని ప్రశ్నించారు. పరిస్థితి సద్ధుమణగడంతో బాలినేని వెళ్లి పార్టీ కార్యాలయాన్ని ప్రారంభించారు.