Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

అంతర్జాతీయ న్యాయస్థానంలో భారత్‌పై నిందలు వేసిన పాక్

, అంతర్జాతీయ న్యాయస్థానంలో భారత్‌పై నిందలు వేసిన పాక్

ది హేగ్: అంతర్జాతీయ న్యాయస్థానం వేదికగా భారత్‌పై పాకిస్థాన్‌ నిందలు వేసింది. 2014లో జరిగిన పెషావర్‌ ఉగ్రదాడిలో భారత హస్తం ఉందంటూ తీవ్ర ఆరోపణలు చేసింది. సైనిక పాఠశాలపై జరిగిన ఆ ఉగ్రదాడి కారణంగా తాము 140 మంది చిన్నారులను కోల్పోయామని, ఈ దాడికి భారత్ స్పాన్సర్ చేసిందని వాదించింది. కుల్‌భూషణ్‌ జాదవ్‌ కేసు విచారణ సందర్భంగా అంతర్జాతీయ న్యాయస్థానంలో పాక్‌ ఈ వ్యాఖ్యలు చేసింది.

పాక్‌లో మరణశిక్ష ఎదుర్కొంటున్న భారత నేవీ మాజీ అధికారి కుల్‌భూషణ్‌ జాదవ్‌ కేసుకు సంబంధించి అంతర్జాతీయ న్యాయస్థానం సోమవారం నుంచి విచారణ ప్రారంభించింది. ఈ సందర్భంగా పాకిస్థాన్‌ కౌన్సిల్‌ తన వాదనలు వినిపించింది. కుల్‌భూషణ్‌ జాదవ్‌తో బలూచిస్థాన్‌లో దాడులు చేయాలని భారత ప్రభుత్వం ప్రయత్నించింది. జాదవ్‌ రా అధికారి. విచారణలో ఈ విషయాన్ని జాదవ్‌ స్వయంగా ఒప్పుకొన్నాడు.

ఆత్మాహుతి దాడులు జరిపి పాక్‌లో గందరగోళం సృష్టించేందుకు జాదవ్‌ అనేక మందిని కలిశాడు. అజిత్ దోవల్‌ మార్గ నిర్దేశకత్వంలోనే జాదవ్‌ ఈ పనులన్నీ చేశాడు. జాదవ్‌ను ఇరాన్‌ నుంచి కిడ్నాప్‌ చేశామని భారత్‌ చెప్పడం హాస్యాస్పదం. భారత్‌ నిజాన్ని దాచాలని చూస్తోంది’ అని పాకిస్థాన్‌ కౌన్సిల్‌ ఆరోపించింది.